Ap 10:11 - Porciones del Nuevo Testamento en el idioma Letuama

¹¹ Toᵽi ikuᵽaka yire kẽrãᵽe ate: —Ᵽoꞌimatata imauᵽatiji, nakaꞌiareka noka jaibaraka imarã uᵽatiroꞌsi, suᵽabaatirã ritaja ĩᵽarimarãroꞌsi, “Ikuᵽaka simaerã baayu”, Tuᵽarãroꞌsi bojaĩjirika ima mire ate,==yire kẽrãᵽe ángel.

Ap 10:11 Iomraidhean Croise

Ap 10:10

Iꞌsuᵽaka kẽᵽakãꞌã, seꞌetirã, sayibaꞌaraᵽe. Sayibaꞌaraᵽaka beꞌrõ mumiokoa mukuika uᵽaka yirijokoᵽearã sajaraᵽe. Imakoꞌomakaja sayibaꞌaraᵽaka beꞌrõ yiñeꞌmeã yire yiꞌaraᵽaka.

Ap 11:1

Iꞌsia beꞌrõ jẽrãbaarũkia ángelre yire ĩjiraᵽe. Yire sĩjitirã ikuᵽaka Tuᵽarãre ãñua ángelre yire ãrãᵽe: —Ikaᵽi yire jiyiᵽuᵽaka õrĩriwiꞌia mijẽrãbaaᵽe, suᵽabaatirãoka sarã ima joeĩjiritẽrĩa mijẽrãbaabe. Suᵽabaatirã yiwiꞌiarã dikarakamarã yire jiyiᵽuᵽayeerimajare imarika mijoabe.

Ap 11:9

Maekarakarĩmi imaeka aᵽerĩmi wãjitãji aiyarõꞌõjĩrã namajaka torã imarãka. Torãjĩrã ritaja ᵽoꞌimatatarãre namajaka ĩarãñu. Namajaka ĩakoꞌomakaja nare ãꞌmijĩaekarã imarĩ, nare nayayerũjebesarãñu.

Ap 14:6

Sabeꞌrõ ĩꞌrĩka ángelre maboꞌikakurirã wiᵽakãꞌã ñiaraᵽe. Iki kimaraᵽe, “Kimakiᵽi ãrĩwaꞌri õñia ᵽoꞌimajare imajiᵽarũkia Tuᵽarãre kire jaꞌataikaki”, majaroka oꞌaribaꞌimarĩa ãñua bojarimaji. Ritaja kaꞌiareka dakoa jariwaꞌririmarĩa, ᵽoꞌimajatata jariwaꞌririmarĩa, noka imabayu uᵽakaja jairãre, suᵽabaatirã ritaja wejeareka imarãre sabojarimaji kimaraᵽe.

Ap 17:10

Suᵽa imarĩ ĩꞌrãᵽitarakamarã nimaeka ĩᵽarimarã bikija reyaekarã. Nabeꞌrõ tuikaki kime maekaka ᵽoꞌimajare jãꞌmerijayuka. Kibeꞌerõꞌõjĩ imarũkika ᵽuri õibeyukajika ruᵽu. Ñamajĩ ᵽuri matikurijĩkaja ᵽoꞌimajare kijãꞌmekoᵽerãñu. Imakoꞌomakaja Tuᵽarãre ãrĩrãka uᵽakaja kiroꞌsi simarãñu.

Ap 17:12

Ĩꞌᵽaᵽitarakabi waka miakoꞌa, ĩꞌᵽaᵽitarakamaki ĩᵽarimarã uᵽaka sime. Ᵽoꞌimajare jãꞌmeũꞌmubeyukajirã nime ruᵽu. Ñamajĩ werikaᵽakiakika jãꞌmerũkirãroꞌsi imakoꞌomakaja ñoaka jãꞌmebaraka nimabesarãñu.

Ap 17:15

Ikuᵽaka aᵽea yire kibojaraᵽe: —Rõmore ruᵽairõꞌõrã, rĩkimakaja riamaka miakoꞌa, ᵽoꞌimaja koᵽakaja sime. Suᵽa imarĩ ĩꞌrã wejekarã jariwaꞌrimarĩa, ĩꞌrãtata ᵽoꞌimaja ᵽããwaꞌrimarĩa, nakaꞌiareka imabayurã uᵽatataja sime miakoꞌa.

Ap 5:9

Suᵽabaatirã kiwãjitãji moꞌiᵽãñawaꞌraᵽarã ikuᵽaka mamaroka maꞌmitirikoribeyua bayakoyaraᵽarã: —Ᵽoꞌimajare mire jããeka. Iꞌsuᵽaka mire nabaakoꞌomakaja ritaja wejeareka imarã ᵽoꞌimajaroꞌsi, ritaja ᵽoꞌimajatatarã imabayu uᵽakaja, noka ima uᵽakaja jaibaraka imarã mireyaekaᵽi, miriweaᵽi ãrĩwaꞌri baꞌiaja nabaaika miwaᵽakoyika, Tuᵽarãrirã nimaokoroꞌsi. Suᵽa mibaaeka simamaka kurarãka uᵽakaja, Miᵽaki Tuᵽarãre yaᵽaika uᵽakaja baairã nime. Suᵽabaatirã miꞌiᵽi ãrĩwaꞌri ritatojo wejeareka imarãre jãꞌmewãrũrũkirã nime. Iꞌsuᵽaka simamaka miꞌijioka mime ᵽaᵽera buᵽeka wierũkika,==ãrĩka nabayakoyaraᵽe.