Ap 1:16 - Porciones del Nuevo Testamento en el idioma Letuama

¹⁶ Kiᵽitaka ritaᵽẽꞌrõtoᵽi ĩꞌᵽotẽñarirakamaki tãꞌᵽia kirikaraᵽe. Kirijokoᵽeaᵽi ĩꞌᵽaᵽẽꞌrõtowãꞌtaja oᵽijieka sara wararaᵽaka. Kiᵽema jiitakaja aiyare yaaika uᵽaka õiraᵽaka.

Ap 1:16 Iomraidhean Croise

Los Hechos 26:13

Ñiᵽamaki Agriᵽa, maꞌaᵽi yaꞌririjaraᵽaka ᵽoto, aiyare tẽrĩwaꞌribaji jãjia yaaika ñiaraᵽe ĩmiñeꞌmetãji seyawaꞌraᵽaka ᵽoto. Yaaika ããtika yire jããtaꞌaraᵽaka yika aꞌraᵽarãreoka.

Ap 1:20

Mia, ritaᵽẽꞌrõto ĩꞌᵽotẽñarirakamaki tãꞌᵽia yirikaika ĩakoꞌomakaja, “Iꞌsiaroꞌsi simekãꞌã”, ãrĩwãrũbeyuka miꞌi. Ikuᵽakaroꞌsi sime: Ĩꞌᵽotẽñarirakamarã tãꞌᵽia miaika ĩꞌᵽotẽñarirakawejekarã yire ãꞌmitiriᵽẽarimajare imaruᵽutarimaja ãrĩrika sime. Iꞌsuᵽakajaoka sime ᵽeritẽrĩa yaaboaika miaika. Ĩꞌᵽotẽñarirakawejerã yire yiꞌyurãre ime ãrĩrikoᵽakaja sime,==yire kẽrãᵽe.

Ap 10:1

Iꞌsuᵽaka simamaka ñiaraᵽaka beꞌrõ, ĩꞌrĩka ángel jãjika ũmakakaᵽi butekaki, maboꞌikakuriᵽi ruiraꞌamaka ñiaraᵽe. Kiruᵽukoꞌa boꞌi neꞌeᵽurea imaraᵽaka. Kiᵽema aiyaka uᵽaka yaarĩkaiki imatiirã kiñika ᵽeka jũꞌrẽika uᵽaka kimaraᵽe. Ikijioka kũᵽajĩka ᵽaᵽera buᵽeka wietika rikaraᵽaki. Kiũꞌᵽua ritaᵽẽꞌrõto riaᵽakiakarã rĩꞌkakoꞌomakaja, aᵽeᵽẽꞌrõtoᵽi ᵽuri kaꞌiarã kirĩꞌkaraᵽe.

Ap 12:1

Sabeꞌerõꞌõ maboꞌikakurirã imatiyaika ᵽemakotowiᵽakãꞌã ñiaraᵽe. Ĩꞌrãko rõmo aiyare yaaika uᵽaka saya jããekako. Ñamikaki aiyarã rĩkamañuko, kobuꞌyareka ĩꞌᵽoũꞌᵽuarãeꞌearirakamaki tãꞌᵽia imaraᵽaka. Yataarikako imarĩ sarikarika ᵽakataᵽaraka baꞌiaja kojũaraᵽe.

Ap 19:15

Naruᵽurõꞌõ aꞌririjaraᵽaki rijokoᵽeareka imaraᵽaka sara oᵽika. Sara koᵽakaja simarãñu kioka, kiokaᵽi kimajamarãre ĩꞌrãᵽẽꞌrõtorãja kibaarãka simamaka. Ritaja jãꞌmewãrũiki imarĩ, baꞌiaja baarimajare baaika ĩariᵽeꞌyowaꞌri nare kiwẽkomabaarãñu. Tuᵽarã, ritaja ima tẽrĩwaꞌribaji imakire nare boebaᵽakãꞌã baꞌitakaja nare baarimaji kimarãñu.

Ap 19:21

Suᵽabaatirã ĩᵽarimarã, nasurararãkaᵽitiyika tẽrãᵽarãre ᵽuri baꞌiuᵽakaja kibaaraᵽe kawaru boika ᵽemarã tuyuraᵽaki; kirijokoᵽearã imaraᵽaka saraᵽi nare kijããᵽateraᵽe. Suᵽa imarĩ dajaka ima baꞌaika wayurika koᵽakaja ñaꞌᵽiraᵽaka kijããᵽateraᵽarã riꞌia baꞌatirã.

Ap 2:1

Iꞌtojĩrã mae, yire ᵽemakotowiraᵽakire ikuᵽaka yire ãrãᵽe ate: —Éfesoreka imaki yire ãꞌmitiriᵽẽarimajare imaruᵽutarimajiroꞌsi ikuᵽaka mioꞌobe: “Ĩꞌᵽotẽñarirakamarã tãꞌᵽia rikaiki, iꞌsirakatẽrĩoka ᵽeritẽrĩ watoᵽekarã turitaᵽaki imarĩ ikuᵽaka yibojayu:

Ap 2:12

Torãjĩrã ate yire ᵽemakotowiraᵽakire ikuᵽaka yire ãrãᵽe: —Ᵽérgamo wejearã yire ãꞌmitiriᵽẽarimajare imaruᵽutarimajiroꞌsi ikuᵽaka mioꞌobe: “Ikuᵽaka ñañu ĩꞌᵽaᵽẽꞌrõto oᵽika sara rikaiki imarĩ.

Ap 2:16

Iꞌsuᵽaka simamaka ‘Ᵽakirimajaroka ãꞌmitiriᵽẽawaꞌri baꞌiaja mija baaꞌsi’, nare ãrĩbeyurã mija imarãkareka noꞌojĩrãmarĩaja mija ᵽõꞌirã yeyarãka ᵽoto yirijokoᵽearã ima saraᵽi baꞌiaja nare yibaarãñu sanaꞌmitiriᵽẽarijaꞌatabeᵽakãꞌã.

Ap 3:1

Iꞌsia beꞌrõ ikuᵽaka yire kẽrãᵽe ate: —Sardes wejeareka yire ãꞌmitiriᵽẽairãre imaruᵽutarimajiroꞌsi ikuᵽaka mioꞌoĩjibe: “Ĩꞌᵽotẽñarirakamarã uᵽaka imaki tẽrĩwaꞌribaji imatiyaiki Esᵽíritu Santo ᵽuᵽakaᵽi baarijayuka, ĩꞌᵽotẽñarirakamarã tãꞌᵽia rikaiki ñime. Mia: Ritaja mija baaika õrĩᵽataiki oka ñime. Mijare ĩatirã ‘Cristore jia yiꞌyurã nime’, ᵽoꞌimajare mijareka ãrĩkoꞌomakaja yireka ᵽuri yiyaᵽaika uᵽaka baabeyurã imarĩ, yire ãꞌmitiriᵽẽabeyurã uᵽaka mija ime.