Ap 1:15 - Porciones del Nuevo Testamento en el idioma Letuama

¹⁵ Kiũꞌᵽua bronce najoeika ᵽoto yaꞌtaika uᵽaka õiraᵽaka. Kijaika ãta jãjia weꞌrirĩkaika uᵽaka okaaraᵽaka.

Ap 1:15 Iomraidhean Croise

Ap 10:1

Iꞌsuᵽaka simamaka ñiaraᵽaka beꞌrõ, ĩꞌrĩka ángel jãjika ũmakakaᵽi butekaki, maboꞌikakuriᵽi ruiraꞌamaka ñiaraᵽe. Kiruᵽukoꞌa boꞌi neꞌeᵽurea imaraᵽaka. Kiᵽema aiyaka uᵽaka yaarĩkaiki imatiirã kiñika ᵽeka jũꞌrẽika uᵽaka kimaraᵽe. Ikijioka kũᵽajĩka ᵽaᵽera buᵽeka wietika rikaraᵽaki. Kiũꞌᵽua ritaᵽẽꞌrõto riaᵽakiakarã rĩꞌkakoꞌomakaja, aᵽeᵽẽꞌrõtoᵽi ᵽuri kaꞌiarã kirĩꞌkaraᵽe.

Ap 14:2

Sabeꞌrõjite maboꞌikakurirõꞌõᵽi ikuᵽaka sokaarikoraᵽe ate. Ãta jãjia okaayu uᵽaka, wĩᵽoa jãjia ᵽaaika uᵽaka, suᵽabaatirã rĩkimakaja arᵽa nabireirõꞌõ uᵽaka sokarĩkamarãᵽe.

Ap 19:6

Iꞌsuᵽaka simaraᵽaka beꞌrõ, rĩkimarãja jairiokabayurã uᵽaka baatirã ãtaᵽi okoa weꞌrirĩkaika uᵽaka, wĩᵽoa jaika uᵽaka baatirã ikuᵽaka narĩkoraᵽe: —Aleluya. Tẽrĩriki imarĩ, ritajare kijãꞌmerijayu. Suᵽa imarĩ, “Ritaja imaboꞌibajirã tẽrĩriki kime”, kire majiyiᵽuᵽayeerijariyeꞌe.

Ap 2:18

Toᵽi ikuᵽaka makãrãrũñuroka uᵽakaᵽi ᵽemakotowiraᵽakire yire ãrãᵽe ate: —Tiatirarã yire ãꞌmitiriᵽẽarimajare imaruᵽutarimajiroꞌsi ikuᵽaka oꞌotirã miᵽũatabe: “ ‘Ᵽeka jũrẽika uᵽaka yiñakoa yaꞌtaiki ñime. Iꞌsuᵽakajaoka, bronce najoemaka sayaꞌtaika uᵽaka sayaꞌtayu ñuꞌᵽua’, yiꞌi Tuᵽarã Makiji mijare sabojaiki.