Ap 1:11 - Porciones del Nuevo Testamento en el idioma Letuama

¹¹ Toᵽi mae ikuᵽaka yire kẽrãᵽe: —Maekaka mire yibeaika ᵽaᵽerarã samioꞌobe. Suᵽabaatirã Asiakaꞌiarã Jesúre yiꞌyurã ĩꞌᵽotẽñarirakawejearã imarãroꞌsi samiᵽũatabe. Ikuᵽaka wãmeika sime wejea samiᵽũatarũkirõꞌõ: Éfeso, Esmirna, Ᵽérgamo, Tiatira, Sardes, Filadelfia, suᵽabaatirã Laodicea==kẽrĩkoraᵽe.

Ap 1:11 Iomraidhean Croise

Los Hechos 16:14

Ĩꞌrãko Lidia wãmeiko, Tiatirawejeakako, naka imaraᵽako. Suᵽabaatirã sayaᵽãia jía iyayaᵽea ĩoika waruaka ĩjirirõmo koimaraᵽe. Judíorãkamarĩko imakoꞌomakaja Tuᵽarãte jiyiᵽuᵽaka õñuko imarĩ, Ᵽablote jaimaka Tuᵽarãte kore ãꞌmitirirũjeraᵽe.

Los Hechos 18:24

Iꞌsia ᵽoto ĩꞌrĩka judíotataki Aᵽolos wãmeiki Éfesorã eyaekaki. Alejandríawejeakaki kimaeka. Ᵽoꞌimajare ĩaika wãjitãji jia jaiwãrũiki kimaeka. Suᵽabaatirã Tuᵽarã majaroᵽũñu oꞌoeka jia kiõrĩka.

Los Hechos 20:17

Miletorã imatirã, Éfesowejearã Jesúre ãꞌmitiriᵽẽairãte imaruᵽutarimajare Ᵽablore oka ᵽũataraᵽe: “Mija iꞌtabe õꞌõrã. Éfesorã aꞌriberijĩka ñime”, ãrĩwaꞌri nare kibojaᵽũaraᵽe.

1 Co 15:32

Éfesowejearã yiwãrõraᵽaka ᵽoto, yaiwẽkoa boebaitaka ima uᵽaka imawaꞌri yire riꞌkakoᵽeraᵽarã yire yiꞌririyaᵽaberaᵽarã. Iꞌsuᵽaka yire nabaamaka, “Reyakoꞌomakaja ᵽuᵽatũrũrika imabeyua”, ãñuka ñimarikareka dako baaerã baꞌiaja jũakoꞌomakaja nare wãrõkaꞌwisijũaberijããekaki yiꞌi. Reyakoꞌomakaja maᵽuᵽatũrũrũkia imaberirikareka ᵽuri, “Ñoaka õñia imarũkimarĩrã maime. Suᵽa imarĩ õñia maimatiyikuriji mayaᵽaika uᵽakaja ukubaraka, baꞌabaraka maimaerã”, ãrĩka Jesúre yiꞌribeyurãre baaika uᵽakaja baairã maimajããeka.

1 Co 16:8

Imakoꞌomakaja Éfeso wejearã yituirãñu Ᵽentecostés baya oꞌrirãrõꞌõjĩrã. Õꞌõrãja ñimariyaᵽayu ruᵽu rĩkimarãja yiwãrõika ĩaᵽeꞌyoirãre imakoꞌomakaja, rĩkimarãjaoka Tuᵽarãrika yiwãrõika jia sanaꞌmitiririyaᵽaika simamaka.

Ap 1:17

Torãjĩrã mae kire ĩakoᵽekaja kiwãjitãji ñaꞌrĩtirã, jaiberijĩka, rĩꞌmeberijĩka yijaraᵽe. Suᵽa yibaamaka kiᵽitaka ritaᵽẽꞌrõtoᵽi yire rabetirã, ikuᵽaka yire kẽrãᵽe: —Mikĩkiaꞌsi. Ritaja ᵽoꞌijiaekaki yiꞌi, suᵽabaatirã ñamajĩ wejea tiyirũjerũkika.

Ap 1:19

Suᵽa yire ãrĩweatirã ikuᵽaka yire kẽrãᵽe ate: —Maekaka ima, ñamajĩ imarũkia miaika simamaka ika samiaika uᵽakaja samioꞌobe.

Ap 1:2

Yiꞌi Juan ᵽõꞌirã ᵽemakotowiritirã ángelre ritaja yire bearaᵽakarõꞌõjĩrãja yibojayu, saᵽemawaꞌribaji ᵽakibekaja. Tuᵽarãrika bojariroka Jesucristore yire õrĩrũjemaka.

Ap 1:20

Mia, ritaᵽẽꞌrõto ĩꞌᵽotẽñarirakamaki tãꞌᵽia yirikaika ĩakoꞌomakaja, “Iꞌsiaroꞌsi simekãꞌã”, ãrĩwãrũbeyuka miꞌi. Ikuᵽakaroꞌsi sime: Ĩꞌᵽotẽñarirakamarã tãꞌᵽia miaika ĩꞌᵽotẽñarirakawejekarã yire ãꞌmitiriᵽẽarimajare imaruᵽutarimaja ãrĩrika sime. Iꞌsuᵽakajaoka sime ᵽeritẽrĩa yaaboaika miaika. Ĩꞌᵽotẽñarirakawejerã yire yiꞌyurãre ime ãrĩrikoᵽakaja sime,==yire kẽrãᵽe.

Ap 1:4

Mae, ĩꞌᵽotẽñarirakaweje Asia kaꞌiareka Jesúre yiꞌririjaᵽaraka imarãroꞌsi ika yoꞌoyu yiꞌi, Juan. Suᵽa imarĩ Tuᵽarã, Jesucristo, Esᵽíritu Santoka maekarakamarã jia mijare najeyobaarũ, jia naka mija imaerã. Bikija imaraꞌaekaki imakoꞌomakaja maekakaoka imarijayuka Tuᵽarã. Ñamajĩoka imajiᵽarãki kime. Tuᵽarãre jãꞌmeruᵽa wãjitãji imarã ĩꞌᵽotẽñarirakamarã. Esᵽíritu Santo ritaja õrĩᵽataiki, ritaja baaiki kime ãrĩrikoᵽakaja kiwãjitãji nimarijayu. Suᵽabaatirã Jesucristo kime Kiᵽakire ãñu uᵽakaja bojarimaji. Suᵽa imarĩ, reyakoꞌomakaja õñia kijariᵽeꞌrika ate. Iꞌsuᵽaka kibaaũꞌmuekaᵽi ãrĩwaꞌri reyakoꞌomakaja rĩkimarãja sabeꞌerõꞌõ õñia jariᵽeꞌrirãñurã ate. Suᵽa imarĩ ritatojo weje ĩᵽamarãre jãꞌmeiki kime. Iꞌsuᵽakajaoka mare wãtawaꞌri maroꞌsi riwejurubaraka kireyaekaᵽi baꞌiaja mabaaika kiwaᵽakoyika.

Ap 1:8

Ikuᵽaka kibojayu: “Alfa, Omega ñime. Alfa ñime ñañu ritaja ᵽoꞌijiaekaki imarĩ. Suᵽabaatirã Omega ñañua ‘Ñamajĩ wejea tiyirũjerũkika imarĩ’. Ritaja ima tẽrĩwaꞌribaji imaki ñime. Bikija imaraꞌaekaki imakoꞌomakaja maekakaoka imaki ñime. Suᵽabaatirã yiꞌijioka ñime imajiᵽarũkika”, ãrĩwaꞌri Tuᵽarãre bojayu.

Ap 10:4

Wĩᵽoa jaikoraᵽaka uᵽaka yoꞌoerã baamaka, maboꞌikakuriᵽi ikuᵽaka yire sãrĩkoraᵽe: —Wĩᵽoa jairaᵽaka aᵽerãre mibojaꞌsi. Suᵽabaatirã samioꞌoaꞌsi,==yire sãrĩkoraᵽe.

Ap 14:13

Iꞌsia beꞌrõ maboꞌikakuriᵽi ikuᵽaka yire sãrĩkoraᵽe: —Mire yibojaika mioꞌobe. Maĩᵽamaki Jesúre yiꞌririjaꞌatabekaja reyaekarã, jĩjimaka mija imabe,==Iꞌsuᵽaka yire sãrĩkoᵽakãꞌã, ikuᵽaka Esᵽíritu Santore ãrĩkoraᵽe: —Rita sime, iꞌsuᵽakatakaoka simarũ. Kaꞌwisika jũabaraka nabaꞌirabeika jaꞌatatirã, najẽrĩtarãñu. Maboꞌikakurirã neyarãka ᵽoto, baꞌiaja jũaekarã imakoꞌomakaja kiyaᵽaika uᵽakaja jia nabaaeka õñuka imarĩ, jia sawaᵽa Tuᵽarãre nare baarãñu,==kẽrĩkoraᵽe Esᵽíritu Santo.

Ap 19:9

Sarokajĩte ikuᵽaka ángelre yire ãrãᵽe ate: —Mae mire ñarĩrã baaika mioꞌobe: “Oveja weiwaꞌyua uᵽaka imakire ᵽitañiꞌabuꞌaika uᵽaka baarãka baya niaerã kioyibojaekarã jĩjimaka jarirãñurã jiitaka Tuᵽarãre nare baamaka”, ãñua mioꞌobe,==kẽrãᵽe. Suᵽabaatirã, —Rita sime ika mire yibojaika, Tuᵽarãrika bojariroka imatiyaika sime,==yire kẽrãᵽe.

Ap 2:1

Iꞌtojĩrã mae, yire ᵽemakotowiraᵽakire ikuᵽaka yire ãrãᵽe ate: —Éfesoreka imaki yire ãꞌmitiriᵽẽarimajare imaruᵽutarimajiroꞌsi ikuᵽaka mioꞌobe: “Ĩꞌᵽotẽñarirakamarã tãꞌᵽia rikaiki, iꞌsirakatẽrĩoka ᵽeritẽrĩ watoᵽekarã turitaᵽaki imarĩ ikuᵽaka yibojayu:

Ap 2:12

Torãjĩrã ate yire ᵽemakotowiraᵽakire ikuᵽaka yire ãrãᵽe: —Ᵽérgamo wejearã yire ãꞌmitiriᵽẽarimajare imaruᵽutarimajiroꞌsi ikuᵽaka mioꞌobe: “Ikuᵽaka ñañu ĩꞌᵽaᵽẽꞌrõto oᵽika sara rikaiki imarĩ.

Ap 2:18

Toᵽi ikuᵽaka makãrãrũñuroka uᵽakaᵽi ᵽemakotowiraᵽakire yire ãrãᵽe ate: —Tiatirarã yire ãꞌmitiriᵽẽarimajare imaruᵽutarimajiroꞌsi ikuᵽaka oꞌotirã miᵽũatabe: “ ‘Ᵽeka jũrẽika uᵽaka yiñakoa yaꞌtaiki ñime. Iꞌsuᵽakajaoka, bronce najoemaka sayaꞌtaika uᵽaka sayaꞌtayu ñuꞌᵽua’, yiꞌi Tuᵽarã Makiji mijare sabojaiki.

Ap 2:24

Tiatirareka imarã ĩꞌrãrimarã ᵽuri kowãrõika ãꞌmitiriᵽẽabeyurã. ‘Ikuᵽaka sime imatiyaika bojariroka makioka õrĩbeyua’, ãrĩwaꞌri ᵽakirirõmore wãrõika ãꞌmitiriᵽẽarimajare mijare bojakoꞌomakaja samija ãꞌmitiririᵽeꞌyoyu. Satanárika simakoꞌomakaja, ‘Imatiyaika bojariroka sime’, narĩᵽakiyu. Iꞌsuᵽaka ima ãꞌmitiririᵽeꞌyoirã mija imamaka aᵽea mijare jãꞌmebesarãki yiꞌi. Mae mijare ñarĩrã baaika uᵽakaja mija imarijaᵽe. Mia jeꞌe: Yiᵽeꞌrietarũkia taꞌabaraka jia yire ãꞌmitiriᵽẽarijaꞌatabekaja mija imarijaᵽe.

Ap 2:8

Saᵽemajĩrã ikuᵽaka yire kẽrãᵽe ate: —Esmirna wejearã yire ãꞌmitiriᵽẽarimajare imaruᵽutarimajiroꞌsi ikuᵽaka mioꞌobe: “Ritaja ᵽoꞌijiaekaki imarĩ, ñamajĩ wejea tiyirũjerũkika ñime. Yiꞌijioka imaki reyakoꞌomakaja õñia jariᵽeꞌrikaki. Suᵽa imarĩ ikuᵽaka mire ñañu:

Ap 21:5

Torãjĩrã mae kiruᵽarikũmuarã ruᵽatiirã ikuᵽaka Tuᵽarãre yire ãrĩkoraᵽe: —Miabe, ritaja bikijaka imakoᵽeika, mamaka oyiaja sõꞌtoarã yoꞌayu mae,==—Ika mire yibojaika uᵽakaja mioꞌobe. Rita sime. Mire yibojaika uᵽakaja ñamajĩ simarãñu,==ãrĩtirã ikuᵽaka yire kibojaraᵽe ate:

Ap 22:10

ikuᵽaka yire kẽrãᵽe ate: —Ika majaroka mioꞌoika, ᵽoꞌimajare miõrĩrũjebe, samioꞌoika uᵽakaja simarãrĩmi koyiaja jariwaꞌyua simamaka.

Ap 22:16

Suᵽa simamaka yiꞌi, Jesús, iꞌsia majaroka mijare kibojaerã ángelre yiᵽũataeka, yire yiꞌriwaꞌri rẽrĩrijaᵽaraka jĩjimakaᵽi sõrĩwãrũrijayurã mija imamaka. David wãsa riᵽarãmi yiꞌi. Yire ᵽuᵽajoaweitirã, “Wãrĩrika ruꞌaraꞌaerã baaika ruᵽu wararaꞌaiki tãꞌᵽia joꞌbaka uᵽaka kimarãñu Tuᵽarãre ᵽũatarãki”, ãrĩwaꞌri Moisés imaekakire oꞌoeka,==Jesúre ãrãᵽe.

Ap 3:1

Iꞌsia beꞌrõ ikuᵽaka yire kẽrãᵽe ate: —Sardes wejeareka yire ãꞌmitiriᵽẽairãre imaruᵽutarimajiroꞌsi ikuᵽaka mioꞌoĩjibe: “Ĩꞌᵽotẽñarirakamarã uᵽaka imaki tẽrĩwaꞌribaji imatiyaiki Esᵽíritu Santo ᵽuᵽakaᵽi baarijayuka, ĩꞌᵽotẽñarirakamarã tãꞌᵽia rikaiki ñime. Mia: Ritaja mija baaika õrĩᵽataiki oka ñime. Mijare ĩatirã ‘Cristore jia yiꞌyurã nime’, ᵽoꞌimajare mijareka ãrĩkoꞌomakaja yireka ᵽuri yiyaᵽaika uᵽaka baabeyurã imarĩ, yire ãꞌmitiriᵽẽabeyurã uᵽaka mija ime.

Ap 3:14

Torãjĩrã yire ᵽemakotowiraᵽakire ikuᵽaka yire jairaᵽe ate: —Laodiceawejeareka yire ãꞌmitiriᵽẽairãre imaruᵽutarimajiroꞌsi ikuᵽaka mioꞌoĩjibe: “ ‘Yiꞌiᵽi ãrĩwaꞌri Tuᵽarãre ᵽuᵽajoaika uᵽakaja sime. Ritaja ñarĩka uᵽakaja baawaꞌri, wãjiroka Tuᵽarãre ima yibojarijayu. Suᵽabaatirã yiꞌiᵽi ãrĩwaꞌrijioka ritatojo ika wejeareka ima Tuᵽarãre ᵽoꞌijiaeka. Imaki kime, ika mijare bojaiki’, ãrĩwaꞌri naroꞌsi mioꞌobe.

Ap 3:4

Suᵽa simakoꞌomakaja, ĩꞌrãrimarã takaja imarã Sardereka baꞌiaja baabeyurã. Ĩꞌrã ᵽuri jariroaka kaꞌimarĩa jããirã uᵽaka imarã. ‘Baꞌiaja baariᵽeꞌyoirã imarĩ, jia boia jariroaka jããtirã yika nimarãñu’, ñañua jia sime.

Ap 3:7

—Toᵽi ate Filadelfia wejeareka yire ãꞌmitiriᵽẽairãre imaruᵽutarimajiroꞌsi ikuᵽaka mioꞌoĩjibe: “Tuᵽarãᵽi imarijayuka imarĩ ñañu uᵽakaja baaiki ñime. Suᵽabaatirã ĩᵽi David imaekaki riᵽarãmi imarĩ, kiuᵽakajaoka Tuᵽarãrirãre jãꞌmerimaji ñime. Suᵽa simamaka yijãꞌmerũkirõꞌõrã kãkaokaroꞌsi koᵽereka yiwierãka, maki satãtewãrũberijĩki. Suᵽabaatirã kãkakoreka koᵽereka yitãterãka maki sawieberijĩki.