UNTABAN 1:3 - Tanou Moonsoi Timugon

³ ondo' umur no nasailan ruo ngoopor ngambilor, ondo' maaya' masauk ra saujor.

UNTABAN 1:3 Iomraidhean Croise

2 SAMUIL 24:9

Nambala' ilo ra raja' intor ra suang ru ungkuyon ondo' maaya' masauk ra saujor: 800,000 ngaulun ra Israil am 500,000 ngaulun giu' ra Jiuda.

1 TUNUNG RU BANSA' ISRAIL 5:18

Bansa' ru Rubin, bansa' ru Gad, am bansa' ru Manasi Sirangon mokoondo' 44,760 ngaulun saujor ondo' naila' toojo am mapandai toojo mamakai ra perisai, ilang am busur.

2 TUNUNG RU BANSA' ISRAIL 25:5

Tinimung ru Raja' Amajia ngaangai' ulun ru bansa' ru Jiuda am Binjamin. Tinayar no ilo nasauk ra kukula' pulalai ru saujor sumugut ra bansa' ru sigagama'. Linantik no pagawai koson maningganai ra moonong pulalai no; mokoondo' pulalai ondo' suang no saribu ngaulun, am mokoondo' niayuk ondo' suang no maatus ngaulun. Ulun ru pulalai no nakaaya' ngaangai' ungkuyon ondo' makaumur nakasail ra ruo ngoopor ngambilor. Ngaangai' nilo suang no 300,000 ngaulun. Ilo ulun ondo' pinili', ondo' timinampos koson mampatoi, am mapandai manantutura' am manamperisai.

KAINGKUALAN 12:17

Iantakon noyo Pangiantakan Ruti' Kalo Linatakan ra Ragi, sabap ra paat ra orou raginio magibit Aku ra bansa' mino mingkual intor ra Misir. Iantakon noyo orou raginio koson pangiantakan ra moonong bilor koson ra sabuoi-buoi no.

KAINGKUALAN 30:14

Moonong ulun ondo' untobon ralalom panguntaban no, iono moonong ungkuyon makaumur nasailan ra ruo ngoopor ngambilor musiti' mambayar ra suang ru ginio.

KAINGKUALAN 38:26

Suang ti nogondo' ra suang ondo' binayaran ru ngaangai' mamagun ondo' nakatulis noyo inggalan ralalom panguntaban no; moonong ulun mambayar ra suang ondo' inaru' giu' ra Baloi Tuhan. Ngaangai' no 603,550 ngaulun ungkuyon ondo' makaumur matuo ra ruo ngoopor ngambilor, ondo' nakatulis noyo inggalan ralalom panguntaban no.

UNTABAN 14:29

Matoi kau am baangkai min rumumpalangan ra titikop ru tana' kaagisan ti. Ginio sabap ra mambutok kau Raki', kolondo' sangulun pana ra popolos min ondo' umur ruo ngoopor am nakasail mongoi ra tana' no.

UNTABAN 26:2

“Akau musiti' manguntob ra ngaangai' ulun ru Israil sumugut ra sasambaloi ru sigagama'. Ngaangai' ungkuyon ondo' umur no nasailan ruo ngoopor ngambilor am ondo' maaya' masauk ra saujor musiti' untobon.”

UNTABAN 3:15

koson maparijisto ra ulun ru Liwi sumugut ra bansa' am sasambaloi ru sigagama'; inggalan ru moonong anak ungkuyon ondo' umur sansila' am nakasail musiti' parijistoon.

UNTABAN 32:11

‘Kalo gumagaya' ulun raginio Raki'. Ginio ra mampator Aku ra kolondo' sangulun pana ondo' miningkual intor ra Misir, ondo' umur no nasailan ruo ngoopor ngambilor mokoongoi ra pagun ondo' binantu' Kuno ri Abragam, i Isak am i Jakub.’

UNTABAN 33:1

Kopongo ulun ru Israil nangiruan ra Misir, ralalom barisan sumugut ra bansa' ru sigagama' tiningganai ri Musa am i Arun, nangkim ilo ra kukula' intok.

UNTABAN 4:3

am maa' raginio maparijisto ra ngaangai' ungkuyon intor ra 30 am 50 ngambilor, ondo' maaya' mangandoi giu' ra Kim ru Tuhan.

SAGULION 24:5

“Sangulun ungkuyon ondo' bagu ayuk naguot kalo susubon masauk ra saujor kapoam kandoi ra inaru' ra bokon. Musiti' io aniin ra kalabusan buoi sambilor maa' raginio makapanalingapu io ra baloi nano am mapabansuk ra guang ru andu' nano.

SAGULION 3:18

Paat raginio niayuk nanusub aku risilo, ‘Tuhan i Aki Kapuuno' takau nanaak noyo ritakau ra tana' tampilon ra sirangon ru Sungoi Jordan koson masauk ra intok ayanan min. Raino ukapi' noyo saujor mino ra kinandoi mangayou, am susubo' ilo mongoi ra sandaup ru Sungoi Jordan, maa' raginio sumigulu ilo ra bansa' ru Israil ra bokon koson mangindangan risilo mayan ra tana' raginio.