SULABOI 2:9 - Tanou Moonsoi Timugon

⁹ Kulobon-kulobon garabang nalunsai napumpunan ru ondo' nalunsai, am tataun ru umpok nano nangapandak. Raja' am tingganai-tingganai raino giu' ra pagun pamatiran. Ukum ru Tuhan kalo boo pailaan, am nabi-nabi kalo boo mangapu ra pinaintalang intor ra Tuhan.

SULABOI 2:9 Iomraidhean Croise

2 RAJA'-RAJA' 25:7

Pinatoi anak-anak ungkuyon ri Jidikia ra talupak ru mato nano. Kopongo raginio mato nano boo kiniul. Rinantai io boo am inibit ra Babil.

2 TUNUNG RU BANSA' ISRAIL 15:3

Nabuoi noyo Israil kalo nangandoi ayuk ri Aki Kapuuno' ondo' motopot, kolondo' imam-imam ondo' mangila' risilo, am kolondo' ukum.

NIGIMIA 1:3

Nantunung ilo ra ulun ragili ondo' pinatiran ondo' siminaguli' noyo ra pamagunan galama', raino naayag ra naimbolo' am inasaban ru bansa'-bansa' ra bokon ondo' minayan giu' ra paginggaar nilo. Inambai poyo ra timbok ru Jirusalim lakat poyo nangalunsai, am kulobon-kulobon garabang nano kalo poyo pinuna' intor ra nosolob ragili.

MAZMUR 74:9

Nabi-nabi am baal-baal makaimuag kalo boo makito, am kolondo' sangulun pana makapandai sanggilan pupus ru babaal ragitio.

JISAYA 24:12

Bandar napuso noyo, am kulobon-kulobon garabang nano pinuut noyo.

JIRIMIA 14:14

Kaa' taam Tuhan, “Nabi-nabi raginio nagabau ralalom ru inggalan Kuno; Kalo sinusub Ku ilo, am kalo niayuk nanusub kapoam minindagu risilo. Pinaintalang ondo' tinunung nilono sala' ka intor Raki'. Manala' ilo ra baal-baal ra kolondo' onong, ondo' binaal-baal nilo galama'.

JIRIMIA 23:16

Indagu Tuhan Ondo' Maayo Kaga' Kuasa' ra mamagun ru Jirusalim, “Pai' rongogo' nabi-nabi ondo' magail mangani' ra kalansanan ondo' abau ayuk. Mampasaboi ilo ayuk ra pangkaraan galama' am sala' ka tanou intor Raki'.

JIRIMIA 39:2

Paat ra orou kasiam, sila' kaapat, bilor koopor am rondo' ra pamarintaan ru Raja' Jidikia, nakasugut pantula' nampalunsai ra timbok ru bandar. (

JIRIMIA 39:8

Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

JIRIMIA 51:30

Saujor-saujor ru Babilonia kalo boo mangayou. Nairu' boo kinabaani nilo, am tatanga' mansibuni giu' ra ralalom ru kubu-kubu; malaa' ilo koson ra ruandu'. Kulobon garabang ru bandar linunsai noyo am baloi-baloi nosolob.

JIRIMIA 52:14

saujor-saujor nano nampalunsai ra timbok ru bandar.

SULABOI 1:3

Mamagun ru Jiuda sinauk ra ulipon ondo' kalo maikang, jinajalan nangiruan ra kampung namagunan nilo. Minayan ilo ra gino ngai' ru bansa'-bansa', ra kolondo' intok ondo' mangani' ra kaansayan. Inawangan ilo ru pantula' paat ra ilo naimbolo'.

SULABOI 4:15

Kon ru ulun, “Ugar no intor ragiti! Majamol kau, pai' kambong ramon!” Ginio ra tumanggau ilo intor ra rondo' pagun mongoi rondo' pagun, kaa' kalo inuma' ru osoi pana.

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

YEHEZKIEL 12:13

Kaa' paatangon Ku pamalandak koson mamparakop ra raja'. Aku boo magibit riso mongoi ra bandar Babil, am matoi io ra kalo makakito ra bandar no.

YEHEZKIEL 17:20

Paatangon ku pamalandak ondo' pinakai ru ulun mampalula' am mamparakop riso. Ibiton Ku raja' ru Jiuda mongoi ra Babilonia am ukumin io ra giu', sabap ra kalo giminagaya' io Raki'.

YEHEZKIEL 7:26

Karaat am tanou malaat matong kalo lulumonggo'. Paat raginio makitaak kau ra nabi-nabi koson mambala' ra pinaintalang, kaa' papalo min ayuk. Imam-imam kolondo' atan-atan pailaan ra ulun, am ulun matutuo nakayaan ra bilin.

GOSIA 11:6

Pangayawan lumumpa' ra bandar-bandar nilo, am kulobon garabang ru bandar lunsayon. Ulun Kuno pusoon sabap ra sinugut nilo kasagaan nilo galama'.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

AMOS 1:5

Lunsayon Ku kulobon garabang Damsyik, am mangimpai ra mamagun ru Limayak Awin intor ra intok ayanan nilo. Ulun manguasa' ru Bit-Idin patuunon Ku intor ra turungan ru raja', am mamagun ru Siria rokopon am niayuk patirin giu' ra pagun Kir.”

SAGULION 28:36

“Tuhan mamatir ramuyun am raja' min giu' ra pagun ru bansa' ru bokon, intok ondo' kalo igondo' kasauk ra ayanan min kapoam kinamatuaan min. Giu' no mangandoi kau ra tuhan-tuhan ondo' binaal intor ra tataun am batu.

SAGULION 28:63

Koson ra Tuhan masaga' mapasauk ramuyun ra langkaya' am nampakasuang ramuyun, koson raginio niayuk Io masaga' mamuso am mapaluus ramuyun. Kalo bubulon kau intor ra tana' ondo' kalo boo mabuoi maayanan min.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.