SULABOI 2:4 - Tanou Moonsoi Timugon

⁴ Patumaan no panah ra tampilon takau ilain koson itakau ti pantula' Nano; Potoyon No ngaangai' ulun ondo' nasauk ra kasagaan am mapabansuk ra guang takau. Giu' ra bandar Jirusalim makaliman takau ra apui ru sangit Nano.

SULABOI 2:4 Iomraidhean Croise

2 TUNUNG RU BANSA' ISRAIL 34:21

“Ongoi no pakipinson ra Tuhan ra bala kuno am ra bala ru ngaangai' mamagun ondo' lakat poyo soroi giu' ra Israil am Jiuda, intor ra pangilaan ru kitab ti. Sumangit Tuhan ritakau sabap ra kinamatuaan takau kalo giminagaya' ra ragu ru Tuhan am kalo nambaal ra atan ondo' tinulisan ra ralalom ru kitab ti.”

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

AYUP 19:11

Sangit ri Aki Kapuuno' raki' bibilak ayuk, am aku kinara' No koson ra pantula' Nano.

AYUP 6:4

I Aki Kapuuno' Ondo' Maayo Kaga' Kuasa' namanah raki', am tuwo nano siminabak ra ngaangai' ru inan kutu. Namulunsar i Aki Kapuuno' raki' koson ra pulalai ru pantula', aku pana malaa' kaga'.

MAZMUR 37:14

Ulun malaat mamutus ra ilang am palaguron no tanggayan ru panah koson mamatoi ra ulun musikin am naimbolo', am manginggulu' ra ulun moonsoi;

MAZMUR 7:13

Amon ru paliso nilono kalo makulau, magasa' i Aki Kapuuno' ra ilang Nano. Tumampos Io am baugon No tanggayan ru panah Nano;

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

JISAYA 63:6

Ralalom ru sangit kikinjangin Ku ngaangai' bansa' am manutuk risilo. Patulukon Ku raraa' nilono ra tana'.”

JIRIMIA 10:20

Nalunsai kim mai; kalat-kalat nano ngaangai' naukat. Anak-anak maino ngaangai' minugar; kolondo' boo mambaal saguli' ra kim maino; kolondo' boo mamilik ra konoon ru kim.”

JIRIMIA 21:5

Mangayou Aku ramuyun ra sototopot ru ikang am sangit ondo' lumuab-luab.

JIRIMIA 30:14

Ngaangai' ambai min nakalilian noyo ramuyun; kalo boo mampalio ilo ramuyun. Koson ra pantula', mamulunsar Aku ramuyun, ukuman ondo' maagat nakalumpa' ramuyun sabap ra tula min masuang kaga' am kalaatan min najanjayan kaga'.

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

SULABOI 1:13

“Namparatu' Io ra apui intor ra limbowon, apui ondo' nonolob ra inan kuno. Nampaatang Io ra landak raki' am namparatu' raki' ra tana'. Io pana nompoloso boo raki' sangulun naimbolo' ra nonsongorou.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

SULABOI 3:3

am ruruli' nampalamba' raki' ra kolondo' guang makaasi'.

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 13:13

Koon ragitio noyo ragu ru Tuhan Raja', “Paat ra Aku sumangit kaga', mamparatong Aku ra bagiu' mapuor, rasam maawas am rasam batu koson mamuso ra timbok no.

YEHEZKIEL 22:22

Koson ra pirok liniou giu' ra ralalom ru rapuan, koon raginio noyo Israil liowon giu' ra Jirusalim. Bagu no makapandai ilo ra makaliman ilo ra sangit ru Tuhan.”

YEHEZKIEL 24:25

Indagu Tuhan, “Okou ulun mapandai matoi, alapon Ku Baloi Kuno ondo' mapiot no intor risilo, Baloi ondo' linimbawan am kasagain nilo, am ondo' ilain am angayin nilo ra guang maansukan. Aku pana mangalap niayuk ra anak-anak nilo.

YEHEZKIEL 36:18

Polosoon Ku ilo makaliman ra ngaangai' sangit Kuno sabap ra nambaal ilo ra masuang namatayan giu' ra pagun no, am jinamol ginio ra sinungkalalaing nilo.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

YEHEZKIEL 6:12

Ilo ondo' maalur matiu' ru maruol am matoi; ilo ondo' mamaar matoi ralalom pangayawan; osoi ayuk ondo' lakat poyo maayag am mamimio matoi ra bitilan. Makaliman ilo ra ruol ru sangit Kuno.

YEHEZKIEL 7:14

Bujung samputin am ngaangai' ulun nakatampos. Kaa' kolondo' sangulun pana mintor mongoi ra intok pangayawan, sabap ra sangit ri Aki Kapuuno' lumumpa' ra moonong ulun.

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.

1 SAMUIL 28:16

Kon ri Samuil, “Atan onong no ra okou mampiau raki' amon ru nangiruan noyo Tuhan no rirun, am nasauk ra pantula' muno?