SULABOI 2:3 - Tanou Moonsoi Timugon

³ Ralalom ru sangit namuso Io ra kaikangan ru Israil; marara' Io mangindangan ritakau paat ra pantula' matong. Sangit Nano ritakau bibilak koson ra apui mangumpo ra ngaangai'.

SULABOI 2:3 Iomraidhean Croise

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

AYUP 16:15

Mambayang aku ra konoon karung tatandu' kangilukan, manturung aku ralimbou ru kaau sabap ra kinala.

MAZMUR 132:17

Giu' ra Sion sangulun papag ri Daut pasaukon Ku ra raja' ondo' urumaton toojo, paikangon Ku pamarintaan ru raja' pinili' Kuno.

MAZMUR 74:11

Kua karara' Kou mangindangan ramon? Kua pai' Kou pampaguang koson mangindangan ramon?

MAZMUR 75:10

Kaa' kalo langgain ku mapatanou ri Aki Kapuuno' ri Jakub, kapoam marimbai ra rimbai pangamparan Riso.

MAZMUR 75:5

Mambala' aku ra ulun mangalaat maa' raginio kalo lumimbau ilo;

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

MAZMUR 89:24

Kuriopolon Ku pantula' nano, am potoyon Ku ngaangai' ulun ondo' masisang riso.

MAZMUR 89:46

Sinauk Mu raja' no tumuo ra mataki', am tinauyu' Mu io.

JISAYA 1:31

Koson ra rami nosolob ra baa makaapui, koson raginio niayuk ra ulun-ulun makakuasa' ondo' pusoon ru binaal malaat nilo galama', am kolondo' sangulun pana mopolonggo' ra pamusaan raginio.

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 48:25

Kaikangan ru Moab tinutuk noyo; kuasa' nano pinandak noyo. Aku, Tuhan, nakaindagu noyo.”

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

SULABOI 1:13

“Namparatu' Io ra apui intor ra limbowon, apui ondo' nonolob ra inan kuno. Nampaatang Io ra landak raki' am namparatu' raki' ra tana'. Io pana nompoloso boo raki' sangulun naimbolo' ra nonsongorou.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 13:13

Koon ragitio noyo ragu ru Tuhan Raja', “Paat ra Aku sumangit kaga', mamparatong Aku ra bagiu' mapuor, rasam maawas am rasam batu koson mamuso ra timbok no.

YEHEZKIEL 7:14

Bujung samputin am ngaangai' ulun nakatampos. Kaa' kolondo' sangulun pana mintor mongoi ra intok pangayawan, sabap ra sangit ri Aki Kapuuno' lumumpa' ra moonong ulun.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

LUKAS 1:69

Nanusub Io ra Mamamayag ondo' maikang matong ritakau, intor ra papag ru raja' Daut, ulipon Nali.

LUKAS 3:17

Io ti koson ra ulun ondo' mangatap ra ngaangai' gandum no saboi mapasau, am timungon no ralalom ru kulapa'. Kaa' ngaangai' apol solobon ra apui ondo' kalo malasa' ra sabubuoi.”

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.