SULABOI 2:2 - Tanou Moonsoi Timugon

² Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

SULABOI 2:2 Iomraidhean Croise

AYUP 2:3

Indagu Tuhan, “Inurio mu kia i Ayup, ulun ondo' nangandoi ayuk Raki'? Giti ra titikop ru tana' ti kolondo' ulun ondo' totopot gumagaya' am moonsoi koson riso. Sumambayang io Raki' am ilalain no toojo maa' raginio kalo mambaal ra malaat. Nanusuk kou Raki' maa' raginio mangiou rirun mampajamar riso ra kolondo' sasaban, kaa' lakat poyo gumagaya' i Ayup Raki'.”

MAZMUR 21:9

Ngaangai' pantula' nano rokopon ru raja' no; rokopon ru raja' no ngaangai' ulun ondo' masisang riso.

MAZMUR 74:7

Sinuruan nilo Baloi Muno saboi naumpo; am intok sambaan Rirun i jinamol nilo.

JISAYA 22:5

Gitio noyo bulintok maajag-ajag, kaalaan, am sasou giu' ra Limayak Pinaintalang. Tuhan Raja' Ondo' Maayo Kaga' Kuasa' naparatong ra karaat raginio. Timbok-timbok ru bandar takano nangaaba', am tangi' ru ulun makiindangan mamintanou giu' ra bulur-bulur.

JISAYA 23:9

Tuhan Ondo' Maayo Kaga' Kuasa' nangatang noyo raginio, maa' raginio malanggaan No limbau nilono ondo' masalok mamanggo ra baalon nilono, am niayuk magasab ra ulun ondo' makainggalan maayo.

JISAYA 25:12

Lunsayon ri Aki Kapuuno' kubu ampin ru bandar Moab; timbok no ra masawat gabaan saboi matutuk koson ra kaau.

JISAYA 26:5

Ulun malilimbau paingganaan No; Bandar ra mapiot ondo' inayanan nilono binunsag No, am pinuut No timbok no saboi sawat nano nontotop ayuk boo ra tana'.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 43:28

am imam-imam mino mapajamol ra intok ayanan Kuno. Ginio sabap ra namuso Aku ra Israil, Polosoon Ku ulun Kuno asabin.”

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 21:7

Okou am pagawai-pagawai muno am niayuk ngaangai' ulun ondo' naayag intor ra pangayawan, bitilan am maruol tumapik, polosoon Ku rokopon ru Raja' Nibukadnijar am pantula' ondo' masaga' mamatoi ramuyun. Mamatoi Raja' Nibukadnijar ramuyun ngaangai' ra kalo mangampun kapoam makaasi'. Aku, Tuhan nakaindagu noyo.”

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

SULABOI 2:21

Ulun matutuo am mamulok ngaangai' no minatoi giu' ra ralan-ralan, kamulakan ungkuyon am ruandu' pinatoi ra ilang ru pantula'. Pinatoi Mu ilo ra kolondo' guang makaasi' paat ra orou Okou sumangit.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

SULABOI 3:43

“Nangilou Kou ramon am namatoi Kou ramon; sangit Muno nampasibuni ra guang makaasi' Muno.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 7:4

Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

MIKA 5:14

Ralalom ru sangit Kuno ondo' najanjayan mansuli' Aku ra kalaatan ru ngaangai' bansa' ondo' kalo gumagaya' Raki'.”

MALIAKI 1:4

Amon ru papag ri Isau, iono ulun ru Idom mindagu, “Bandar maino pinuso noyo kaa' baalon mai sagulio',” am Tuhan Ondo' Maayo Kaga' Kuasa' pana tumaam, “Polosoon ilo mambaal raginio saguli', kaa' lunsayon Ku poyo. Ulun manabit risilo ‘Pagun malaat’ am ‘Bansa' ondo' sinangitan ru Tuhan ra sabubuoi no.’ ”

MATIUS 18:33

Sala' ka kia makaasi' kou niayuk ra rangan muno koson ra aku nakaasi' rirun?’

2 KORINTUS 10:4

Kinandoi mangayou ondo' ibiton mai ra pangayawan, sala' ka intor ra tana' ti, kaa' intor noyo ri Aki Kapuuno' ondo' makakuasa'. Am kinandoi mangayou ti noyo makapamuso ra kinaikang ru pantula'. Mompolonggo' akai ra pantataaman

SAGULION 28:52

Mamulunsar ilo ra moonong bandar giu' ra tana' ondo' taakin ramuyun ru Tuhan i Aki Kapuuno' min, am timbok-timbok masawat am niayuk mapiot ondo' lalansanin min mangalunsai.

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.