SULABOI 2:1 - Tanou Moonsoi Timugon

¹ Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

SULABOI 2:1 Iomraidhean Croise

2 SAMUIL 1:19

“Tingganai takano pinatoi giu' ra bulur-bulur ru Israil! Tutumula'-tutumula' takano minatoi noyo!

1 TUNUNG RU BANSA' ISRAIL 28:2

Bigor Raja' Daut giu' ra saang nilo am indagu, “Rongogo' mamagun ku ngai'! Nabuoi aku no makaguang koson mambaal ra rondo' baloi ondo' mantilayun koson ra Kaban Nabantuan, sanaran ru kalayam ru Tuhan, i Aki Kapuuno' takau. Inula' ku noyo koson mambaal ra rondo' baloi intok sumamba Riso.

MAZMUR 132:7

Ongoi takau ra Baloi ru Tuhan, am sumamba Riso ra saang ru panturungan Nano.

MAZMUR 89:45

Kuasa' nano ra maantak pinolonggo' Mu, am panturungan nano pinatiran Mu ra tana'.

MAZMUR 99:5

Omporo' noyo Tuhan, i Aki Kapuuno' takau; igugulatur no samba ra saang ru panturungan Nano! Io no matulai!

JISAYA 64:11

am Baloi ru Tuhan, baloi ra matulai am makaantak, intok ru kinamatuaan maili mongompor ra Tuhan ra galing i, inumpo ru apui. Ngaangai' intok ra kasagaan mai nasauk boo ra naluyuan.

JIRIMIA 30:14

Ngaangai' ambai min nakalilian noyo ramuyun; kalo boo mampalio ilo ramuyun. Koson ra pantula', mamulunsar Aku ramuyun, ukuman ondo' maagat nakalumpa' ramuyun sabap ra tula min masuang kaga' am kalaatan min najanjayan kaga'.

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

SULABOI 1:12

Golok io ra moonong ulun ondo' mansail ra giu', “Ilai' aku no. Kalo kia igondo' osoi pana naimbolo' koson raki', kaimbalaan ondo' pinaratong ru Tuhan raki' sabap ra sangit Nano.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 13:13

Koon ragitio noyo ragu ru Tuhan Raja', “Paat ra Aku sumangit kaga', mamparatong Aku ra bagiu' mapuor, rasam maawas am rasam batu koson mamuso ra timbok no.

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

YEHEZKIEL 30:18

Bandar Tapanis lumondom paat ra orou Aku manguasa' ra Misir am mamuso ra kuasa' nano ondo' limbawan nano. Misir libungin ru gaun, am ngaangai' mamagun ru bandar no rokopon.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

MATIUS 11:23

Am akau, ulun ru Kapirnaum! Guang min, painsawaton kau saboi ra suruga'? Patirin kau giu' ra naraka! Amon ru kaimuagan ondo' binaal ra tatanga' ramuyun i binaal ra giu' Sodom, maaru' Sodom i lakat ayuk poyo soroi ra raino ti!

LUKAS 10:15

Am okou, pekan Kapirnaum! Kara' muno, painsawaton kou kia saboi ra suruga'? Patirin kou nai ra naraka!”

LUKAS 10:18

Indagu i Jisus risilo, “Nakito Ku Tingganai ru riwato naratu' intor ra limbowon koson ra ganit.

1 SAMUIL 4:21

Ininggalanan no anak raginio i Ikabod. Kono, “Nairu' noyo boo ra Israil ti katulayan ri Aki Kapuuno'.” Rinagu no ginio sabap ra Kaban Nabantuan ginaau noyo am iwan nano ra ungkuyon am niayuk ralaki nano minatoi noyo.

1 SAMUIL 4:22

Kono, “Katulayan ri Aki Kapuuno' nangiruan noyo ra Israil, sabap ra ginaau noyo Kaban Nabantuan ri Aki Kapuuno'.”