SULABOI 1:9 - Tanou Moonsoi Timugon

⁹ Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

SULABOI 1:9 Iomraidhean Croise

2 SAMUIL 16:12

Maaru' lair ra ilain ru Tuhan no kaimbalaan kuno am mambarakat raki' koson ra palit ru ulas nano.”

2 RAJA'-RAJA' 14:26

Nakito ru Tuhan ra ulun ru Israil naimbolo' kaga', am kolondo' osoi pana mangindangan risilo.

NIGIMIA 9:32

“Iou i Aki Kapuuno', i Aki Kapuuno' mai ondo' maayo! I Aki Kapuuno' ondo' makakuasa' am matulai! Nabaya' ra gagaya' sinugut Mu ngaangai' nabantuan. Intor ra raja'-raja' ru Asyur nangimbolo' ramon, saboi raino kaimbalaan ondo' mailian mai maagat kaga'. Raja'-raja', tingganai-tingganai, imam-imam am nabi-nabi mai, kinamatuaan am ngaangai' ulun naimbolo' noyo. Karaa' noyo, iou Aki Kapuuno', mapara' poros ru kaimbalaan mai.

MAZMUR 119:153

Ilai' ga pagon kuno naimbolo' am bayago' aku no, sabap ra kalo lilianin ku Ukum Muno.

MAZMUR 140:8

Tuhan Raja' kuno, mamamayag kuno ra maikang, inampin Mu aku ralalom mangayou.

MAZMUR 25:18

Guango' noyo nansalinut pagon am imbolo' kuno am ampuno' noyo nansalinut tula kuno.

MAZMUR 69:21

Nagasaban nagibit ra guang kuno malawo, am liminungkang aku. Maguyum aku ra ulun ondo' maluoi pakaasi', kaa' kolondo' najampa' ku; maguyum aku ra ulun ondo' mangikang ra guang kuno, kaa' kolondo' natuum kuno.

KAINGKUALAN 3:17

Napatas Ku noyo magibit risilo mingkual intor ra Misir, intok ilo inimbolo', am magibit risilo mongoi ra rondo' tana' ondo' langkaya' am malabung, iono pagun ru ulun ru Kanaan, Git, Amori, Piris, Giwi am Jibusi.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

JISAYA 3:8

Jirusalim naratu' noyo! Jiuda pana napuut! Nansalinut raguon am binaal nilono manggal ayuk ra Tuhan. Kalo boo moopot nilo magasab ri Aki Kapuuno'.

JISAYA 37:17

Ragino ilai' nga ondo' nasauk ramon ti. Rongogo' noyo nansalinut pagasaban ondo' pinaragu ru Raja' Sanirib no Rirun, iou Aki Kapuuno' ondo' maayag.

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

JISAYA 37:29

Nakaining Aku no ra sangit am limbau muno. Ragino susukin Ku arung muno ra kakait, am kakangin Ku kabang muno. Ralaaton Tokou muli' maya' ra ralan binayaan muno ra galingon i.”

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JISAYA 47:7

Indoson muno mantilayun kou masauk ra ralaa mantalur, am kalo makatutun kapoam mangkara' ra pupus no.

JISAYA 51:19

Nalumpa' kou ru ruo karaat; kinibit ru pangayawan pagun muno natutuk am napuso am ulun muno matoi ra naitilan. Kolondo' makaasi' am mapabansuk rirun.

JISAYA 54:11

Mindagu Tuhan, “Okou Jirusalim, bandar ondo' majamaran, kolondo' lulu' muno am kolondo' mangansuk. Lonor-lonor muno pabantaan Ku saguli', ra batu-batu mokologo.

JIRIMIA 13:27

Nakakito Io ramuyun nambaal ra baal-baal ondo' kasisangin Nano. Nakakito Io ramuyun nangilou ra dewa-dewa giu' ra bulur am giu' ra padang, koson ra sangulun ungkuyon malaai ra andu' ru ulun bokon kapoam koson ra sanginan kuda gawayan makimampaa' ra kuda ruandu'. Mamagun kau ru Jirusalim, malumpa' kau ru karaat! Sanggilan kia akau maaya' sumambayang poyo Raki'?

JIRIMIA 16:7

Paat ra mokoondo' ulun matoi, kolondo' osoi pana mangakan kapoam manginum mabaya' ra sasambaloi ru ulun no koson mapabansuk risilo. Paat ra mokoondo' ulun napatayan ra ina' kapoam ama', kolondo' osoi pana maya' mangiluk guang mabaya' risilo.

JIRIMIA 2:34

Bayang min natatakan ra raraa' ru ulun musikin am ulun kolondo' sala, sala' ka raraa' ru ulun mantakou ondo' narakop. Kabalu' pana raginio,

JIRIMIA 48:26

Indagu Tuhan, “Liminimbau Moab Raki', ginio ra gaukon io. Magiluluir Moab ra ralalom ru lua' nano galama', am kuritin boo ru ulun.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

SULABOI 1:17

“Pinatutui ku kalindu', kaa' kolondo' osoi pana mangindangan raki'. Nangator Tuhan ra pantula' intor ra ngaangai' intok koson tumula' raki'. Pamakuan nilo raki' koson ra ampangara'.

SULABOI 1:21

“Rongog kano ra laa kuti; kolondo' osoi pana makabansuk ra guang kuno. Pantula' kuno maansayan sabap namparatong Kou ra karaat ti raki'. Porotongo' orou ondo' binantu' Muno, maa' raginio pantula' kuno maimbolo' koson raki'.

SULABOI 2:13

Okou Jirusalim, bandar ru Sion ondo' tagamin kaga', atan kia paraguon kuno? Kalo makapangansuk aku rirun. Osoi pana kalo poyo igondo' naimbolo' koson rirun. Karaat maayo koson ra raat malangka' am malandom lumumpa' rirun; kolondo' boo kalansanan ra tayar muno.

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

SULABOI 5:1

Karaa' noyo, iou Tuhan, atan ondo' nasauk noyo ramon. Ilai' akai no, ilai' nagasaban ramon.

GOSIA 2:14

Pasagulion Ku umo ru anggur ondo' linonggom no ragili am Limayak Kapaganan pasaukon ra rondo' kulobon kalansanan. Giu' no manguma' io Raki' koson ra paat io mamulok, paat ra io bagu miningkual intor ra Misir.

JIPANYA 2:10

Koson raginio noyo mamagun ru Moab am Amon ukumin sabap ra kinalimbau am minsawat guang nilo, am niayuk sabap ra nagasaban nilo ra ulun ru Tuhan Ondo' Maayo Kaga' Kuasa'.

JUANIS 11:19

Masuang ulun ru Jaudi minongoi panimayo ri Maria am i Marta sabap ra pinatayan ru pagaka' nilai, i Lajarus.

SAGULION 26:7

Pampiau akai boo makiindangan ra Tuhan i Aki Kapuuno' ru kinamatuaan mai. Riminongog Tuhan ramon am nakakito ra kaimbalaan, kapaganan am niayuk nangulipanan ramon.

SAGULION 32:27

Kaa' kalo mokoloso Ku pantula' ra lumimbau, ra ilo noyo ondo' nangala ra ulun Kuno, atika Aku noyo manutuk ra ulun Kuno.’

SAGULION 32:29

Kalo nakapandai ilo kua kinala ilo, kalo makarati' ilo ra atan ondo' nasauk noyo.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?

1 SAMUIL 1:11

Kopongo raginio rinagu ri Ana rondo' bantu', kono, “Iou Tuhan Ondo' Maayo Kaga' Kuasa', ilai' noyo ulipon Mutu. Ilai' noyo kapaganan kutu, am karaa' aku no. Pai' aku liliani'. Amon ru manaak Kou raki' ra sangulun anak ungkuyon, bantuon ku ra mapataak riso Rirun buoi ru bayag nano, am abuk nano kalo lamparin.”