SULABOI 1:8 - Tanou Moonsoi Timugon

⁸ Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

SULABOI 1:8 Iomraidhean Croise

KASAUKAN 3:7

Pakaakan ilo ra kawa' no, pangkaraan nilo naukab am nalimanan nilo ra nagibabaang ilo. Ginio ra pampikit ilo ra raun ru ara am taubi' nilo inan nilono.

1 RAJA'-RAJA' 9:6

Kaa' amon ru okou kapoam papag muno kalo boo maya' Raki', am kalo gumagaya' ra ukum am susuban ondo' tinaakan Kuno rirun, am sumamba kou ra tuhan-tuhan ra bokon,

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

1 RAJA'-RAJA' 9:9

Ulun pana tumaam boo, ‘Sabap ra nangiruan ilo noyo ra Tuhan, i Aki Kapuuno' nilo ondo' nagibit ra kinamatuaan nilai miningkual intor ra Misir. Ilo no siminamba am nangandoi ra tuhan-tuhan ra bokon. Ginio sabap ra Tuhan naparatong ra karaat risilo.’ ”

JISAYA 47:3

Ulun makakito ramuyun magibaang, asabin am tauyuon. Mansuli' Aku, am kolondo' sangulun pana polosoon Ku makalabus.”

JIRIMIA 13:22

Maaru' mangkuot kau kua ra ngaangai' no liminumpa' ramuyun; kua ra bayang min rinilak am kua sinawa' kau. Pakapandai no ra ngaangai' no nasauk sabap ra tula min maayo kaga'.

JIRIMIA 13:26

Tuhan galama' mangalus ra bayang mino saboi magibaang kau am tauyuon.

JIRIMIA 15:4

Mangkinibit Aku ra ngaangai' bansa' ra tana' ti malaa' magilong risilo sabap ra binaal ri Manasi anak ri Gijkia giu' ra Jirusalim, paat ri Manasi nasauk ra raja' ru Jiuda.”

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 34:17

Ginio ra raino, Aku Tuhan, minindagu: Kalo giminagaya' kau Raki'; kalo linabusan min gino ngai' ru bansa' min ondo' nasauk ra ulipon. Amon ru ginio poyo, aniin Takamin ra kalabusan: kalabusan koson ra matoi sabap ra pangayawan, maruol tumapik am bitilan. Mangkinibit Aku ra moonong bansa' ra tana' ti malaa' magilong ra baal ondo' baalon Kuno ramuyun.

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 6:28

Ilo ngaangai' gugumuor ondo' mokotog guang, koson ra kinokotog ru tambaga' am basi'. Malaat paliso nilo am mugar mongoi ra ati-ati koson mampatanou ra tanou ondo' mampalaat ra ulun bokon.

SULABOI 1:11

Mamagun ru bandar no mampalaa liliwa' ilo maguyum ra akanon, rapu' inaligan nilo ra akanon, maa' raginio marayus ilo maayag am kalo matoi. Golok bandar ru Jirusalim, “Ilai' aku no, iou Tuhan, am ilai' kaimbalaan kutu.”

SULABOI 1:17

“Pinatutui ku kalindu', kaa' kolondo' osoi pana mangindangan raki'. Nangator Tuhan ra pantula' intor ra ngaangai' intok koson tumula' raki'. Pamakuan nilo raki' koson ra ampangara'.

SULABOI 2:10

Ulun matutuo giu' ra Jirusalim nanturung mongkoror ra tana', kaau pinatauk ra ulu am nambayang ra konoon karung. Ralaa-ralaa nampakuku' ra ulu saboi ra tana'.

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

YEHEZKIEL 23:29

Sabap ra ilo pana masisang rirun, gaawon nilo ngaangai' ampos ru kandoi muno, am mompoloso rirun magibaang koson ra ruandu' mantalan ra inan. Guang malaai am kandoi mantalan ra inan muno

YEHEZKIEL 23:46

Indagu Tuhan Raja', “Piawo' santimungan ulun koson mampalalaa' am mantakou risilo.

YEHEZKIEL 39:23

Bansa'-bansa' makapandai boo ra ulun ru Israil patirin sabap ra tula nilo Raki'. Iruanin Ku ilo, am polosoon ilo kalaan ru pantula' am potoyon ralalom pangayawan.

GOSIA 2:10

Langgain Ku ngaangai' pangiantakan nano – ondo' kia pangiantakan kabilaran am poyo pangiantakan kasilaan am orou Sabat – ngaangai' pangiantakan ru ugama nano.

GOSIA 2:3

Kalo makaasi' Aku ramuyun, anak-anak nano; akau inanak intor ra pantalanan ra inan.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.