SULABOI 1:6 - Tanou Moonsoi Timugon

⁶ Kinoonsoi ru Jirusalim nairu' noyo. Raino tingganai-tingganai nano koson ra tambang ondo' malawo am naitilan; Kolondo' ikang nilo paat inilou ru pantula'.

SULABOI 1:6 Iomraidhean Croise

2 RAJA'-RAJA' 19:21

Koon raginio ragu ru Tuhan, “Bandar ru Jirusalim nakakurit am nagasab rirun, okou Sanirib.

2 RAJA'-RAJA' 25:4

timbok ru bandar pinasut ru pantula'. Kabalu' pana bandar no inawangan ru ulun ru Babilonia, ngaangai' saujor ru Jiuda nakaingkual intor ra bandar no. Nagigiru' ilo paat ra rondom am minaya' ra ralan mansail ra taman ru istana am kulobon garabang ra lolot ru ruo timbok. Nagiru' ilo sumuku' ra Limayak Jordan.

2 RAJA'-RAJA' 25:5

Kaa' saujor ru Babilonia nangilou ra Raja' Jidikia am namparakop riso giu' ra tana' malimparang mamaar ra Jiriko. Nakapaat raginio ngaangai' ru saujor ru Raja' Jidikia nangiruan riso.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

MAZMUR 96:9

Igulatur no ra saang ru Tuhan bulintok ra Io sumalula'; kalaa' kano ra saang Nano, akau titikop ru tana' ti!

JISAYA 1:21

Bandar ra galing i gumagaya', ragino koson boo ra ruandu' mantalan ra inan! Galing i bandar no nososok ra ulun ondo' matimpok am mabanis guang, kaa' ragino ulun mamamatoi ayuk natatang ra giu' no.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 4:5

Giu' boo ra rasawat ru Bulur Sion am ngaangai' ulun ondo' timinimung ra giu', Tuhan mampatuun ra gaun bulintok matawang am lisun am niayuk apui ondo' masimbula' bulintok molondom. Katulayan ri Aki Kapuuno' manindung am mangampin ra libung ru bandar no.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

JIRIMIA 29:4

“Koon ragitio ragu ru Tuhan Ondo' Maayo Kaga' Kuasa', i Aki Kapuuno' ru Israil, posoboyon ra ngaangai' ulun ondo' pinoloso No rinakop ru Raja' Nibukadnijar, am inibit intor ra Jirusalim pinoongoi ra Babilonia:

JIRIMIA 47:3

Mokorongog ilo ra kinurikap ru kuda, kinuritut ru kurita' kuda, am kinurutuk ru luda' no. Ama' kalo mangkaili koson mangalap ra anak nilo; longon ru ama'-ama' malawo am kalo maikang.

JIRIMIA 48:41

Bandar-bandar am kubu-kubu gaawon. Paat orou raginio saujor-saujor ru Moab mangalaa' koson ra ruandu' tatanga' maganak.

JIRIMIA 52:11

Kopongo raginio mato ru Raja' Jidikia kinuol, am rinantai io am inibit ra bandar Babil. Inaput Raja' Jidikia ra giu' no suku' ra io minatoi.

JIRIMIA 52:13

Sinolob no Baloi ru Tuhan, istana, am baloi ru ngaangai' ulun mangaatang giu' ra Jirusalim;

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

YEHEZKIEL 24:25

Indagu Tuhan, “Okou ulun mapandai matoi, alapon Ku Baloi Kuno ondo' mapiot no intor risilo, Baloi ondo' linimbawan am kasagain nilo, am ondo' ilain am angayin nilo ra guang maansukan. Aku pana mangalap niayuk ra anak-anak nilo.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.