SULABOI 1:16 - Tanou Moonsoi Timugon

¹⁶ “Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

SULABOI 1:16 Iomraidhean Croise

MAZMUR 106:42

Imboloon ilo ru pantula', kinuasa' ilo toojo.

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

MAZMUR 69:20

Nakapandai Kou ati kulaan ra aku asabin am ati kulaan ra aku tauyuon am iison; nakito Mu ngai' pantula' kuno.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

JISAYA 54:11

Mindagu Tuhan, “Okou Jirusalim, bandar ondo' majamaran, kolondo' lulu' muno am kolondo' mangansuk. Lonor-lonor muno pabantaan Ku saguli', ra batu-batu mokologo.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.

JIRIMIA 15:5

Indagu Tuhan, “Mamagun kau ru Jirusalim, osoi kia makaasi' ramuyun? Osoi kia masaga' mangiluk guang mabaya' ramuyun? Osoi kia masaga' mapit koson mangkuot ra baal mino?

JIRIMIA 8:18

Guang kutu mangiluk am mapari', kangilukan kuno kalo maalap kapali'.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

SULABOI 2:18

Okou Jirusalim, polosoon timbok muno gumolok ra Tuhan! Polosoon lomou muno tumilisan koson ra sungoi tumilis ra orou am rondom. Rayus no pantangi' am pangiluk saboi kou maagui.

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”