SAGULION 9:3 - Tanou Moonsoi Timugon

³ Kaa' raino nakito min galama' ra Tuhan i Aki Kapuuno' min nagulu ramuyun koson ra apui ondo' mapaang. Kalaan No ilo liliwa' akau jumalai, maa' raginio makapapagiru' kau am mamuso risilo ra mataki', koson ondo' binantu' Nali.

SAGULION 9:3 Iomraidhean Croise

KAINGKUALAN 23:23

Sumigulu malaikat Kuno ramuyun am niayuk magibit ramuyun mongoi ra pagun ru ulun ru Amori, Git, Piris, Kanaan, Giwi am Jibusi; pusoon Ku ilo.

JISAYA 27:4

Kalo boo sumangit Aku ra umo no. Amon ru makasulinit am makasakot, koyoon Ku surui' saboi mapuso.

JISAYA 30:27

Kuasa' am katulayan ru Tuhan makito intor ra maalur. Apui am lisun tatandu' ra kasangitan Nano. Bulintok ra Io mindagu, ragu no sumuru koson ra apui.

JISAYA 30:30

Porongogon ru Tuhan bolos Nano ondo' matulai no, am moonong ulun makaliman ra kasangitan Nano ondo' makasimbula'. Kasangitan Nano maparatong ra apui ondo' makapangumpo, bagiu', rasam batu am rasam maawas.

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

MIKA 2:13

Mangukab i Aki Kapuuno' risilo ra ralan koson magibit risilo mingkual intor ra pamatiran. Jumunjung ilo mingkual intor ra kulobon garabang ru bandar no am magiru'. Tuhan galama', ondo' masauk ra raja' nilo maningganai risilo mingkual.

MATIUS 15:10

I Jisus pana nampiau boo ra ulun masuang am indagu risilo, “Rongogo' am aratio' noyo!

MARKUS 7:14

Piawo' boo ri Jisus igondo' poyo ulun masuang no, “Akau ngaangai', rongogo' am pakarati' kano ra ragu Kuno.

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

IPISUS 5:17

Ginio ra pai' kau noyo bungas, kaa' uyumo' min noyo atan ondo' kasagaan ru Tuhan.

SAGULION 1:30

Maningganai Tuhan i Aki Kapuuno' ramuyun. Makimantula' Io ra tayar min, koson ondo' nakito min noyo galama' giu' ra Misir

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

SAGULION 20:4

Tuhan i Aki Kapuuno' min mabaya' ramuyun; manaak Io ramuyun ra kamanangan.’

SAGULION 4:24

sabap Tuhan i Aki Kapuuno' mino koson ra apui ondo' mangumpo. Kalo masaga' Io pogondoon ra atan pana.

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

SAGULION 7:22

Ulitakon ru Tuhan i Aki Kapuuno' min mapagiru' ra bansa'-bansa' raginio paat akau jumalai. Kalo makapamuso kau risilo ra igondo' ayuk, sabap amon mambaal kau raginio, kinasuang ru bibiag mangasigo gumaai am masauk ra lolob ramuyun.

SAGULION 9:6

Pangintopot noyo ra sala' ka sabap ra maaya' kau, inanian kau ru Tuhan min ra tana' ondo' malabung. Sala' ka koson raginio! Akau totopot ulun ondo' bambalingatan.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

JOSUA 11:12

Rinakop ri Josua ngaangai' raja' no am ginaau bandar nilono. Namatoi io ra moonong ulun ra giu' no, sumugut ra susuban ri Musa, ulipon ru Tuhan.

JOSUA 11:8

Nanaak Tuhan ra ulun ru Israil ra kamanangan ra pantula'; ulun ru Israil namulunsar am nangilou ra pantula' saboi ra Misripot-Maim am Sidon giu' ra ralayo, am saboi ra Limayak Mijpa giu' ra sirangon. Pangayawan no nasauk saboi ngaangai' pantula' pinatoi.

JOSUA 14:12

Ginio ra pataaki' noyo intok kabuluran no raki', tana' ondo' binantu' ru Tuhan raki' paat ra orou aku am ulun nabaya' raki' nanaak ra pambalaan. Paat ragili okou galama' nokorongog ra bansa' ru maayo ulun ondo' sabiton ra Inak minayan giu' ra intok raginio ralalom ru bandar mangaayo ondo' mokoondo' ra kubu. Maaru' Tuhan mabaya' raki', am makapapagiru' risilo koson ondo' rinagu ru Tuhan.”

JOSUA 3:11

paat Kaban Nabantuan ru Tuhan ru limbowon am tana' ti, saanin lumaup ra Sungoi Jordan, sumigulu ramuyun.

JOSUA 3:14

Paat raginio mangkumos am koson ra kaindalaman, nampaliur Sungoi Jordan. Paat ra ulun ru Israil nangiruan ra pangkiman koson lumaup ra Sungoi Jordan, imam-imam ondo' nansaan ra Kaban Nabantuan minugar ra saang nilo. Makatapung ayuk kalayam ru imam-imam no ralalom ru timug,

TINGGANAI RU BANSA' 4:14

I Dibora pana mindagu ri Barak, “Jalai no! Tuhan mabaya' ramuyun! Paat orou raiti' nanaak noyo Tuhan ra kamanangan ramuyun ri Sisira.” Ginio ra tuun i Barak intor ra Gunung Tabor nabaya' ra mopor ngaribu ulun nano.