SAGULION 8:3 - Tanou Moonsoi Timugon

³ Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.

SAGULION 8:3 Iomraidhean Croise

MAZMUR 105:40

Makitaak ilo ra akanon, am inataran No susuit tantarau, binasug ilo ra ruti' intor ra limbowon.

MAZMUR 37:3

Pangintopot no ra Tuhan am pambaal kano ra ondo' moonsoi; ayan no ra pagun ragitio am akau pana maayag.

MATIUS 4:4

Kaa' taam i Jisus, “Mokoondo' tinulisan ra Buuk Kitab, ‘Ulun kalo maayag intor ra ruti' ayuk, kaa' mangkirongog ra moonong ragu ri Aki Kapuuno'!’ ”

LUKAS 4:4

Taam i Jisus, “Tinulisan noyo ralalom Buuk Kitab, ‘Sala' ka ruti' ayuk mampakaayag ra ulun.’ ”

1 KORINTUS 10:3

Ilo ngaangai' nangakan ra akanon ondo' inanian ri Aki Kapuuno' ralalom ru kuasa' Nano.

SAGULION 29:5

Buoi apat ngoopor ngambilor paat Tuhan naningganai ramuyun mansail ra tana' kaagisan, bayang am kasut min kalo naapu'.

SAGULION 29:6

Kolondo' ruti' ra akanon min, wain kapoam inumon makagauk ra inumon, kaa' nanampos Tuhan ra ngaangai' pakuan min maa' raginio makapandai kau ra Io noyo i Aki Kapuuno' min.

SAGULION 32:47

Pangilaan ti sala' ka ragu ra kolondo' onong, kaa' pangilaan ti noyo painawo min. Gagayaa' noyo ngaangai' no maa' raginio maawar umur min giu' ra tana' ra sandaup ru Sungoi Jordan, tana' ondo' mataki' min ayanin.”

SAGULION 9:9

Nagaloi aku ra gunung raginio koson nangapu ra ruo batu tulis ondo' tinulisan ra nabantuan ondo' binaal ru Tuhan ramuyun. Minayan aku ra giu' buoi apat ngoopor ngoorou am apat ngoopor ngorondom, am kalo nangakan kapoam nanginum aku ra atan pana.