SAGULION 7:2 - Tanou Moonsoi Timugon

² Paat Tuhan i Aki Kapuuno' min napataak ra bansa'-bansa' ragitio ramuyun am kalaan min ilo, akau musiti' mamatoi risilo ngaangai'. Pai' pakimabantu' risilo, am pai' pakaasi' risilo.

SAGULION 7:2 Iomraidhean Croise

KASAUKAN 14:20

Koompor noyo i Aki Kapuuno' Ondo' Masawat Kaga' no, ondo' nanaak rirun ra kamanangan intor ra pantula'-pantula' muno.” Tayari' boo ri Abram i Milkisidik sampiopor intor ra ngaangai' kuliamos ra inalap am inibit nali saguli'.

2 SAMUIL 21:2

Ulun ru Gibion sala' ka ulun ru Israil; ilo no santimungan boborok bansa' ru Amori. Ulun ru Israil nambantu' koson manindung risilo, kaa' Raja' Saul minirot koson mamuso risilo sabap ra magalung io ra kaatangan ru ulun ru Israil am Jiuda.)

1 RAJA'-RAJA' 20:34

Indagu Raja' Bingadad riso, “Bandar-bandar ragili ondo' ginaau ru ama' kuli intor ra ama' muli, pasagulion ku rirun. Patirongon mu pusor pantalanan giu' ra Damsyik koson ragili ondo' pinatirong ru ama' kuli giu' ra Samaria.” Taam Raja' Agab, “Ra kitaakon ti palabuson ku raja'.” Nambaal ilo ra pangiawan, Raja' Agab pana nangiou ra Raja' Bingadad minugar.

IJRA 10:3

Ibok no pagibot takau ri Aki Kapuuno' ra pagiruon takau ngaangai' ruandu' no am anak-anak nilo. Bayaan mai pinson muno am pinson ru ulun ondo' siminugut ra susuban ri Aki Kapuuno'. Gagayaan mai Ukum ri Aki Kapuuno'.

MAZMUR 106:34

Bansa'-bansa' ra bokon kalo pinuso nilo koson ra atan nanusuban ru Tuhan.

KAINGKUALAN 22:20

“Osoi mapataak ra taak simbalui ra tuhan-tuhan ra bokon, ondo' ak am Aku, Tuhan, musiti' ulun no ukumin ra matoi.

UNTABAN 21:2

Ulun ru Israil pana mokoondo' ra nazar ra Tuhan. Indagu ilo, “Iou Tuhan, amon ru mangiou Kou ramon mangala ra mamagun ru pagun ragitio, luuson mai bandar-bandar nilo am niayuk mamagun ru bandar, koson ra tatandu' ru ngaangai' no Okou tatangan.”

UNTABAN 31:17

Raino potoyo' noyo ngaangai' lalaing ungkuyon am ngaangai' ruandu' ondo' kalo boo ralaa,

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

SAGULION 13:8

Kaa' pai' polosoo' ulun no mangambi' ramuyun, am pai' rongog ra ragu nano. Pai' pakaasi' ra ulun raginio am pai' pangampin riso.

SAGULION 13:9

Potoyo' io! Polosoon noyo akau masauk ra ulun kasaa' momobol riso, am polosoon noyo ngaangai' ulun momobol riso.

SAGULION 19:13

Pai' pakaasi' ra ulun namatoi no. Palabuso' ulun ru Israil intor ra ulun namatoi no maa' raginio makakaansayan kau.”

SAGULION 2:33

kaa' Tuhan i Aki Kapuuno' takau napataak riso ritakau. Pinatoi takau Raja' Sigon, anak-anak ungkuyon nano am ngaangai' ulun nano.

SAGULION 2:34

Paat raginio niayuk ginaau am linunsai takau moonong bandar, am namatoi ra moonong ungkuyon, ruandu' am niayuk lalaing. Kalo nompoloso takau ra sangulun pana maayag.

SAGULION 23:14

Alungi' noyo maa' raginio pangkiman min kalo majamol, sabap ra Tuhan i Aki Kapuuno' min mabaya' ramuyun giu' ra pangkiman no koson manindung ramuyun am manaak ramuyun ra kamanangan intor ra pantula'. Pai' pambaal ra atan-atan ondo' kalo matanda', ondo' mangkinibit ra Tuhan mangiruan ramuyun.”

SAGULION 25:12

pungguo' noyo kalindu' ru ruandu' no. Pai' pakaasi' riso.

SAGULION 3:3

Ginio ra napataak Tuhan ra Raja' Og am mamagun nano ritakau, am pinatoi takau ilo ngaangai'.

SAGULION 31:5

Tuhan manaak ramuyun ra kamanangan intor risilo. Pamakuan min risilo musiti' no motopot koson ra rinagu ku noyo ramuyun.

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

SAGULION 9:3

Kaa' raino nakito min galama' ra Tuhan i Aki Kapuuno' min nagulu ramuyun koson ra apui ondo' mapaang. Kalaan No ilo liliwa' akau jumalai, maa' raginio makapapagiru' kau am mamuso risilo ra mataki', koson ondo' binantu' Nali.

JOSUA 10:28

I Josua namulunsar ra bandar Makida am ginaau no paat orou raginio. Namatoi io ra raja' no am ngaangai' ulun giu' ra bandar no. Kolondo' sangulun pana ondo' natatang, ngaangai' no pinatoi. Pinamakuan ri Josua ra raja' ru bandar Makida koson ra pinamakuan no ra raja' ru bandar Jiriko.

JOSUA 10:30

Tuhan nanaak niayuk ra ulun ru Israil ra kamanangan ra bandar no am raja' no. Kalo nompoloso ilo ra osoi pana naayag. Namatoi ilo ra moonong ulun ralalom ru bandar no. Pinamakuan nilo ra raja' no koson ra pinamakuan nilo ra raja' Jiriko.

JOSUA 10:32

Paat orou karuo ru pangayawan no, nanaak Tuhan risilo ra kamanangan ra bandar no. Kalo nompoloso ilo ra sangulun pana naayag giu' ra Lakgis. Koson ondo' binaal nilo giu' ra Libna, namatoi ilo ra ngaangai' ulun giu' ra bandar no.

JOSUA 10:40

Ginaau ri Josua ngaangai' tana' raginio. Kinala no raja'-raja' giu' ra kabuluran, pipilon ru bulur giu' tampilon ra sirangon, lonson toojo ru bulur giu' ra tampilon kalasaan am niayuk tana' mangapua' giu' ra tampilon rabugus. Kalo pinoloso no sangulun pana naayag; namatoi io ra moonong ulun. Ginio noyo susuban ru Tuhan i Aki Kapuuno' ru Israil.

JOSUA 10:42

Kinala ri Josua ngaangai' raja' no am pagun nilo lingono' sabap Tuhan i Aki Kapuuno' ru Israil nangayou tayar ru Israil.

JOSUA 11:8

Nanaak Tuhan ra ulun ru Israil ra kamanangan ra pantula'; ulun ru Israil namulunsar am nangilou ra pantula' saboi ra Misripot-Maim am Sidon giu' ra ralayo, am saboi ra Limayak Mijpa giu' ra sirangon. Pangayawan no nasauk saboi ngaangai' pantula' pinatoi.

JOSUA 2:14

Indagu ulun-ulun pansigo no riso, “Polosoon noyo i Aki Kapuuno' mamatoi ramon amon ru kalo suguton mai bantu' maiti. Amon ru kalo mambala' kou ra ulun intor ramon, mambantu' akai ra paat manaak Tuhan ramon ra pagun ti ra maagu no, moonsoi pamakuan mai ramuyun.”

JOSUA 21:44

Nanaak Tuhan risilo ra kamiaan giu' ra titikop ru tana' no koson ra binantu' Nano ra kinamatuaan nilai. Kolondo' sangulun pantula' pana makaanggal risilo, sabap nanaak noyo Tuhan ra ulun ru Israil ra kamanangan ra ngaangai' pantula'.

JOSUA 8:24

Ngaangai' ulun ru Israil namatoi ra ngaangai' pantula' nilo giu' ra tana' mapua'. Ulun ru Israil pana siminaguli' ra bandar Ai am namatoi ra ngaangai' ulun ra giu' no.

JOSUA 9:24

Taam ulun Gibion, “Tuan, binaal mai koson raginio sabap nokorongog akai ra sotopot no Tuhan i Aki Kapuuno' muno namarinta ra ulipon nano i Musa koson manaak ra ngaangai' tana' ti rirun, am niayuk mamatoi ra mamagun nano paat okou mangayou. Binaal mai koson raginio sabap malaa' akai rirun; malaa' akai potoyon.

JOSUA 9:7

Kaa' indagu ulun ru Israil, “Kua pambaal akai ra nabantuan ramuyun? Maaru' lair ru minayan kau ra mamaar ti!”

TINGGANAI RU BANSA' 1:24

nakauma' ra sangulun ungkuyon ondo' minatong intor ra bandar no. Konilo riso, “Tului' akai ra ralan mumpos ra bandar ti, am moonsoi pamakuan mai ramuyun.”

TINGGANAI RU BANSA' 1:4

minongoi pamulunsar nababaya' ra bansa' ru Jiuda. Nanaak Tuhan risilo ra kamanangan ra ulun ru Kanaan am ulun ru Piris. Kinala nilo mopor ngaribu ngaulun saujor giu' ra Bijik.

TINGGANAI RU BANSA' 2:2

Ginio ra kalo pambaalon kau ra nabantuan ra atan pana ra mamagun ru pagun no. Musiti' puuton min altar nilono.’ Kaa' kalo binaal min atan ondo' nanusuban Kuno. Binaal min poyo ondo' suai raginio!