SAGULION 32:3 - Tanou Moonsoi Timugon

³ Mongompor aku ra inggalan ru Tuhan, am ulun Nano mapatanou ra Kinaayo Nano.

SAGULION 32:3 Iomraidhean Croise

1 TUNUNG RU BANSA' ISRAIL 17:19

Sabap ra kasagaan Muno am inatangan Muno, binaal Mu ngaangai' baal maayo ti raki', am koson nampakito ra kinaayo kuno paat ra orou matong, raki'.

1 TUNUNG RU BANSA' ISRAIL 29:10

Giu' ra saang ru ngaangai' ulun ondo' natimung ra giu' no, nongompor Raja' Daut ra Tuhan. Nakiasi' io, “Iou Tuhan i Aki Kapuuno' ri Jakub, kinamatuaan mai, koompor Kono ra sabubuoi no!

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

1 TUNUNG RU BANSA' ISRAIL 29:13

Raino, iou Aki Kapuuno' mai, maringkuanang akai Rirun am mongompor akai ra inggalan Muno ondo' maayo.

MAZMUR 150:2

Omporo' Io sabap ra ngaangai' binaal Nano ra makaimuag! Omporo' katulayan Nano!

KAINGKUALAN 20:24

Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

KAINGKUALAN 33:19

Taam Tuhan, “Mansail Aku ra ngaangai' Katulayan Kuno ra saang muno, liliwa' mindagu ra inggalan Kuno ondo' matulai, iono Tuhan. Mapakito Aku ra ulun pilion Kuno ra asi' am pakimasian.

KAINGKUALAN 6:3

Minintalang Aku noyo ri Abragam, ri Isak am ri Jakub koson ra i Aki Kapuuno' Ondo' Maayo Kaga' Kuasa', kaa' kalo napaulig Aku risilo ra inggalan Kuno ondo' matulai, iono Tuhan.

JIRIMIA 10:6

Iou Tuhan, Okou kolondo' pogondo'; maikang Kou toojo, inggalan Muno matulai am makakuasa'.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

JUANIS 17:26

Pinaintutun Tokou no risilo, am rayuson Ku poyo ginio; maa' raginio rumondon risilo togom Muno Raki' am Aku pana masimpung risilo.”

JUANIS 17:6

“Pinaulig Tokou noyo ra ulun-ulun ti ondo' pinataak Muno Raki'. Ilo ti longgom Muno, kaa' pinataak Mu ilo Raki' am siminugut ilo ra ragu Muno.

IPISUS 1:19

Am niayuk ra makapandai kau ra mumpara' boo gayo ru kuasa' Nano ondo' mangandoi ra guang takau.

SAGULION 3:24

‘Iou Tuhan Raja', nakapandai aku ra atan ondo' nanuluan Muno raki' talimpuun ayuk ru baal maayo am makaimuag ondo' baalon Muno. Kolondo' tuhan ra bokon giu' ra limbowon kapoam giu' ra tana' ondo' makapambaal ra baal makaimuag ondo' binaal Muno.

SAGULION 5:24

am indagu, ‘Tuhan i Aki Kapuuno' takau nambala' ra kinaayo am katulayan Nano paat morongog takau ragu Nano intor ra apui no. Paat ra orou raiti' nakakito akai ra sasangulun magulayun maayag kabalu' pana minindagu noyo i Aki Kapuuno' riso.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!