SAGULION 26:12 - Tanou Moonsoi Timugon

¹² “Moonong bilor, akau musiti' manaak sampiopor ra ampos ru tinanom min ra Tuhan. Kaa' moonong bilor katalu, taaki' noyo sampiopor ra ampos ru tinanom min ra ulun ru Liwi, ulun bansa' ru bokon, anak nailusan ra matuo am napuor, maa' raginio giu' ra moonong bandar min, makaalap ilo ra akanon ondo' makapakuan. Mopongo kau mambaal koson raginio,

SAGULION 26:12 Iomraidhean Croise

KASAUKAN 47:24

Paat ra mangkumos pataaki' min sampilimo intor ra ampos no ra raja'. Suwo no alapon min ra sampug am akanon min am sasambaloi mino.”

KASAUKAN 47:26

Ginio ra pambaal i Jusup ra ukum ru tana' ru Misir, iono sampilimo intor ra ampos ru umo nilono musiti' raja' ra ampu'. Saboi raino ukum no lakat ayuk poyo paugaron. Tana' ru imam-imam ayuk sala' ka raja' ra ampu'.

AMSAL 14:21

Ulun ondo' monogom ra ulun musikin makakaansukan; ulun magasab ra bokon io mambaal ra tula.

IMAMAT 27:30

Mopor piatus intor ra ngaangai' ampos ru tinanom mino, ondo' kia gandum am niayuk kikinawa' masauk ra Tuhan tatangan.

UNTABAN 18:24

sabap ra longgom nilo, nanaak Aku noyo risilo sampiopor ondo' pataakon ru ulun ru Israil Raki' tayar ru indangan luntukon. Ginio sabap ra nambala' Aku ra ulun ru Liwi ra ilo kalo makapanungkus ra tana' giu' ra Israil.”

SAGULION 16:14

Pakaansuk noyo mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo am napuor ondo' minayan giu' ra bandar-bandar min.

IBRANI 7:5

Maya' ra Ukum ri Musa, imam-imam ru papag Liwi mangapu ra mopor piatus intor ra ampos ru kandoi ru ulun ru Israil, ioginio bansa' nilo galama', kabalu' pana mogondo' ilo ra papag ri Abragam.

IBRANI 7:9

Sama' raguon ra paat ri Abragam nambayar mopor piatus ru tayar raginio, i Liwi niayuk nambayar ra mopor piatus (kabalu' pana papag ru Liwi mampalulur ra mopor piatus intor ra ulun ru Israil).