SAGULION 26:11 - Tanou Moonsoi Timugon

¹¹ Paringkuanang noyo ra tayar ru ngaangai' akanon ondo' tinaakan ramuyun am sasambaloi min ru Tuhan i Aki Kapuuno' min. Kimaiti' noyo ulun ru bansa' ru Liwi am ulun bansa' ru bokon ondo' minayan ra gino ngai' min maya' ra pangiantakan no.

SAGULION 26:11 Iomraidhean Croise

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

MAMPATANOU 3:12

Ginio ra, nakaliman aku boo ra ondo' moonsoi baalon takau iono masalok maansukan am mirot toojo paat ra itakau lakat poyo maayag.

MAMPATANOU 3:13

Itakau ngaangai' musiti' mangakan, manginum am makasia' ra ampos ru binaal takau sabap ra ngaangai' no tinaakan ri Aki Kapuuno'.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

JISAYA 65:14

Maririmbai ilo am maansukan, kaa' akau mantangi' am malawo guang.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

1 KORINTUS 9:11

Akai no ondo' napatias ramuyun ra sampug, ioginio nampasaboi ra bala' ri Aki Kapuuno' ramuyun. Am raino mantipagon kia amon ru mangkumos akai ondo' pinatias mai ragili, ioginio makitaak ra akanon songongorou?

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:18

Akau am anak-anak mino, mabaya' ra ulipon-ulipon mino am ulun ru Liwi ondo' minayan giu' ra bandar-bandar mino, musiti' mangakan ra taak raginio giu' ayuk ra saang ru Tuhan i Aki Kapuuno' min, giu' ra rondo' intok ondo' pinili' ru Tuhan i Aki Kapuuno' min. Giu' ra intok raginio musiti' maansukan kau ra ngaangai' ondo' binaal min.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 27:7

Pataako' niayuk taak simbalui koson makibarakat ra Tuhan, am akano' noyo taak simbalui no ra giu' no, am niayuk maansukan giu' ra saang ru Tuhan i Aki Kapuuno' min.

SAGULION 28:47

Tuhan i Aki Kapuuno' min nambarakat noyo ramuyun ralalom ru ngaangai' baal, kaa' kalo mangandoi kau Riso ra guang masaga' am maansukan.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!