SAGULION 15:3 - Tanou Moonsoi Timugon

³ Pansikaan kau ra ruit ondo' iniraan ru ulun bansa' ru bokon, kaa' kalo pansikaan kau ra ruit ondo' iniraan ru gino ngai' bansa' min.

SAGULION 15:3 Iomraidhean Croise

KAINGKUALAN 22:25

“Amon ru mapaira' kau ra ruit ra sangulun musikin ra popolos ru ulun Kuno, pai' ikanuo' koson ra ondo' mapaira' ra ruit ondo' makitaak ra bunga' ru ruit.

JUANIS 8:35

Sangulun ulipon kalo mantilayun sumoroi ra baloi ru Tuan nano, kaa' anak ru Tuan no, mantilayun io.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

SAGULION 15:2

Koson ragitio ralan no: Moonong ulun ru Israil ondo' nagira' noyo ra ruit ru gino ngai' ulun ru Israil, musiti' mamuso ra utang no. Kalo pansikaan io ra utang no, sabap ra sumugut ra kapatasan ru Tuhan galama', pinuso noyo utang no.

SAGULION 23:20

Makapakitaak kau ra bunga' paat akau mapaira' ra ulun bansa' ru bokon, kaa' kalo pambaalon kau koson raginio paat mapaira' ra ulun sabansa' ramuyun. Gagayaa' noyo aturan ragitio, bagu no mambarakat Tuhan i Aki Kapuuno' min ra ngaangai' ondo' baalon min giu' ra tana' ondo' ayanin min.

SAGULION 23:21

“Amon ru mokoondo' kau nazar ra Tuhan i Aki Kapuuno' min, pai' lungkang manugut ra nazar no. Sikaan ru Tuhan nazar mino, am makatula kau amon ru kalo suguton ginio.