SAGULION 1:1 - Tanou Moonsoi Timugon

¹ Kitab ti makasuang ra ragu ondo' pinasaboi ri Musa ra ulun ru Israil paat ilo soroi giu' ra tana' kaagisan giu' ra Limayak Jordan. Limayak raginio giu' ra tampilon sirangon ru Sungoi Jordan, maar ra bandar Sup, lolot ru bandar Paran ra sapapa' am bandar Topil, Laban, Gajirot am Di-Jagab ra sapapa' ra bokon. (

SAGULION 1:1 Iomraidhean Croise

KASAUKAN 21:21

Inuatan io ru ina' nano ra sangulun ruandu' ru Misir.

1 RAJA'-RAJA' 11:18

Kukula' ngaulun ru Idom ondo' lakat poyo naayag no nangiruan ra Midian am minongoi ra Paran. Giu' no kukula' ngaulun poyo minamung risilo, am minongoi ilo ra Misir am minuma' ra raja' ru pagun no. Raja' ru Misir nangani' ri Gadad ra baloi am niayuk akanon.

ABAKUK 3:3

Matong Kou poyo intor ra Idom; Okou i Aki Kapuuno' ondo' matulai matong intor ra Kabuluran Paran. Katulayan Muno nakatikop ra limbowon; tana' ti natikop ra pangamparan Rirun.

UNTABAN 10:12

Nansusunu' boo ulun ru Israil minugar nangiruan ra Tana' kaagisan Sinai. Uog boo gaun no giu' ra tana' kaagisan Paran.

UNTABAN 11:35

Intor ra giu' no minanding ulun no ra libung Gajirot, am nangkim boo ra intok raginio.

UNTABAN 12:16

Iruani' nilo boo Gajirot, am pangkim giu' ra tana' kaagisan Paran.

UNTABAN 13:26

ri Musa, i Arun am ra ngaangai' ulun ru Israil giu' ra Kadis, giu' ra tana' kaagisan Paran. Nambala' ilo ra atan ondo' nakito nilo am napakito ra kikinawa' ondo' inibit nilo.

UNTABAN 13:3

Sinugut ri Musa susuban no, am giu' boo ra tana' kaagisan Paran nanusub io ra tingganai ragitilo: Bansa' Tingganai Rubin Syamua anak ri Jakur Simion Sapat anak ri Ori Jiuda Kalib anak ri Jipuni Isakar Jigal anak ri Jusup Ipraim Gosia anak ri Nun Binjamin Palti anak ri Rapu Jibulon Gadiil anak ri Sodi Manasi Gadi anak ri Susi Dan Amiil anak ri Gimali Asyir Situr anak ri Maikol Naptali Nagbi anak ri Wopsi Gad Guil anak ri Maki

UNTABAN 32:19

Kalo mangalap akai ra koborok pana intor ra tana' giu' ra sandaup ru Sungoi Jordan, sabap ra nakaapu akai noyo ra tayar maino tampilon ra sirangon ru Sungoi Jordan.”

UNTABAN 32:32

Sabap ra susuban ru Tuhan, sumandaup akai ra sungoi am mongoi ra tana' ru Kanaan. Mongoi akai pangayou maa' raginio tana' tampilon ra sirangon ru Sungoi Jordan ti magulayun akai tatangan.”

UNTABAN 32:5

pataako' noyo ramon tana' raginio koson ra akai tatangan. Pai' akai susubo' sumandaup ra Sungoi Jordan am mayan ra giu' no.”

UNTABAN 34:15

Tana' tungkuson nilono intok no giu' ra sirangon ru Sungoi Jordan, nantaluma' ra bandar Jiriko.”

UNTABAN 35:14

talu tampilon ra sirangon ru Sungoi Jordan am talu poyo giu' ra tana' ru Kanaan.

SAGULION 2:8

Itakau pana narayus boo ugar, am mangiruan ra ralan ondo' mansail ra bandar Ilat am Ijion-Gibir, ondo' sumuku' ra Raat Matoi, am likou takau ra sirangon ralayo am sumuku' ra tana' kaagisan giu' ra Moab.

SAGULION 27:1

I Musa pana nabaya' ra tingganai-tingganai ru bansa' ru Israil, mindagu ra ulun raginio, “Gagayaa' noyo ngaangai' susuban ondo' pataakon kuno ramuyun ra orou raiti'.

SAGULION 29:1

Gitio noyo kitaak-kitaak ra nabantuan ondo' sinusub ru Tuhan ri Musa, koson binaal ra ulun ru Israil paat ilo giu' ra tana' Moab. Nabantuan raginio pinaruang ra nabantuan ondo' binaal ru Tuhan risilo giu' ra Gunung Sinai.

SAGULION 31:1

Rinayus ri Musa ragu nano ra ulun ru Israil, “Raino umur kutu maatus am ruo ngoopor ngambilor noyo. Kalo boo makaandar aku masauk ra tingganai min. Naruangan poyo ra minindagu noyo Tuhan raki' ra kalo makalaup aku ra Sungoi Jordan.

SAGULION 33:2

Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

JOSUA 22:4

Raino, koson ra binantu' Nano, Tuhan i Aki Kapuuno' min nanaak noyo ramuyun ra kamiaan ra gino ngai' min ulun ru Israil. Ginio ra, ruli' noyo ra pagun longgom muno, tana' tampilon ra sirangon ru Sungoi Jordan ondo' tinaakan ri Musa, ulipon ru Tuhan ramuyun.

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.

JOSUA 9:1

Tanou ra namanangan ru ulun ru Israil norongog ru ngaangai' raja' ru pagun tampilon ra kalasaan ru Sungoi Jordan: giu' ra kabuluran, giu' ra ragana' ru bulur, am giu' ra igig ru tampilon ra nagas ru Raat Tanga', saboi ra Libanon giu' tampilon ra ralayo. Ilo noyo raja' ru ulun ru Git, Amori, Kanaan, Piris, Giwi am Jibusi.

JOSUA 9:10

am atan ondo' binaal Nano ra ruo ngaulun raja' ru Amori tampilon ra sirangon ru Sungoi Jordan: Raja' Sigon namarinta ra Gisybon am Raja' Og namarinta ra Basan ondo' minayan giu' ra Asytarot.

1 SAMUIL 25:1

Kopongo raginio i Samuil minatoi. Ngaangai' ulun ru Israil timinimung am nanulaboi riso. Linobong nilo baangkai ri Samuil ra baloi nano giu' ra Rama. Kopongo raginio minongoi i Daut ra tana' kaagisan Paran.