RUT 4:6 - Tanou Moonsoi Timugon

⁶ Taam ulun no, “Koon poyo ragino kalo masaga' aku mambali ra tana' no. Balion ku pana tana' no, lalaing-lalaing kuno kalo makatungkus raginio. Okou noyo mambali ra tana' no, kalo boo masaga' aku.”

RUT 4:6 Iomraidhean Croise

KASAUKAN 38:8

Indagu boo i Jiuda ri Onan boborok ri Ir, “Ongoi ra napuor ru maayo muno am rulug no riso. Suguto' ondo' matanda' baalon muno riso sabap ra boborok kou ru ralaki nali, maa' raginio maayo muli makapapag.”

IMAMAT 25:25

Amon ru sangulun Israil nasauk ra musikin am mantalan kalalaat ra tana' nano, pabukat nano ondo' mamaar kaga' musiti' mamuli' ra tana' no.

SAGULION 25:7

Kaa' amon ru pabukat ru ulun minatoi no kalo masaga' maguot ra napuor no, musiti' napuor no mongoi ra tingganai-tingganai ru bandar no am mindagu, ‘Pabukat ru ralaki kuli kalo masaga' mambaal ra inaru' riso. Kalo masaga' io manaak ra pabukat nano ra papag ra gino ngai' ru bansa' ru Israil.’

SAGULION 25:8

Tingganai-tingganai ru bandar no pana musiti' boo mampiau ra ulun no am mindagu riso. Amon ru lakat poyo marara' io maguot ra napuor no,

SAGULION 25:9

am musiti' napuor no minggaar riso giu' ra saang ru tingganai-tingganai ru bandar no. Napuor no pana musiti' mamagus sanggipa' ra kasut ru pabukat ru ralaki nali am mantiwog ra bulos nano, liliwa' mindagu, ‘Gitio noyo ondo' masauk ra ulun ondo' kalo masaga' manaak ra papag ra pabukat nano.’

RUT 2:20

“Gama' ru barakaton ru Tuhan i Boas!” Kon ri Naomi ri Rut. “Tuhan masalok mampagagaya' ra bantu' Nano, ra ulun lakat maayag kapoam ulun ondo' namagatoi.” Kono poyo, “Ulun no pabukat molongkot takau. Io no niayuk magalung ritakau.”

RUT 3:13

Kaa' ayan ayuk poyo ragiti. Susuab no, amon ru pabukat raginio masaga' magalung rirun, moonsoi niayuk. Amon ru kalo mambaal aku ra bantu' sabap ri Aki Kapuuno' ondo' maayag ra magalung aku rirun. Raino pombolong no saboi ra susuab.”

RUT 3:9

“Osoi kou?” kuot ri Boas. “Aku i Rut, tuan,” taam nano. “Kasaga' no mamingkal ra sukub koson mangampin raki'; kasaga' no manangandu' raki'. Sabap okou no pabukat mamaar ramon, okou noyo napalansanan ra bayag kuno.”