RUT 4:4 - Tanou Moonsoi Timugon

⁴ Kara' ru guang kuno akau musiti' balain pagulu. Amon moogot kau mambali ra tana' no moonsoi balion min ra saang ru masuang ulun nanturung ragiti. Kaa' amon ru kalo masaga' kau mambali ra tana' no, pambala' no; sabap ra akau noyo maatang mambali am bagu no aku.” Indagu ulun no, “Balion ku tana' no.”

RUT 4:4 Iomraidhean Croise

KASAUKAN 23:11

“Tuan rongogo', pataakon kuno rirun ngaangai' limayak am luang batu ondo' nakasimpung no ra inono' ru bansa' kuno galama', maa' raginio molobong mu andu' muno.”

KASAUKAN 23:18

Ngaangai' ulun ru Git no ondo' nakasaang ra pagugumaan raginio nangiou ra tana' no raino longgom noyo ri Abragam.

JIRIMIA 32:25

Kabalu' pana koson raginio, iou Tuhan Raja', Okou noyo nanusub raki' nambali' ra tana' giu' ra saang ru kukula' ngaulun sasi', kabalu' pana sangkinolor poyo bandar no kuasaan ru ulun ru Babilonia.”

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

2 KORINTUS 8:21

Kinooi mai ragino sabap ra masaga' akai mambaal ra atan ondo' motopot, sala' ka ra pagilangan ru Tuhan ayuk, kaa' ra pagilangan ru ulun niayuk.

SAGULION 25:8

Tingganai-tingganai ru bandar no pana musiti' boo mampiau ra ulun no am mindagu riso. Amon ru lakat poyo marara' io maguot ra napuor no,

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

RUT 2:20

“Gama' ru barakaton ru Tuhan i Boas!” Kon ri Naomi ri Rut. “Tuhan masalok mampagagaya' ra bantu' Nano, ra ulun lakat maayag kapoam ulun ondo' namagatoi.” Kono poyo, “Ulun no pabukat molongkot takau. Io no niayuk magalung ritakau.”

RUT 3:12

Sotopot no aku ti pabukat molongkot muno am magalung rirun, kaa' mokoondo' poyo sangulun pabukat muno molongkot poyo intor raki'.

RUT 3:9

“Osoi kou?” kuot ri Boas. “Aku i Rut, tuan,” taam nano. “Kasaga' no mamingkal ra sukub koson mangampin raki'; kasaga' no manangandu' raki'. Sabap okou no pabukat mamaar ramon, okou noyo napalansanan ra bayag kuno.”