RUT 4:11 - Tanou Moonsoi Timugon

¹¹ Ngaangai' tingganai ru bandar am niayuk ngaangai' ru ulun soroi ra giu' i, mindagu, “Ba iou, akai no sasi'. Gama' ru Tuhan mapasauk ra andu' muno koson ri Ragil am i Liya, ondo' naganak ra masuang anak ri Jakub. Gama' ru masauk kau langkaya' ra popolos ru bansa' ru Iprata am mauligan kaga' giu' ra Bitligim.

RUT 4:11 Iomraidhean Croise

KASAUKAN 23:10

Paat raginio, tuturung i Ipron galama' nabaya' ra ulun-ulun ru Git no ra intok pagumaan ra kulobon garabang ru bandar. Ngaangai' ulun soroi ra giu' no mangining ra io timinaam,

KASAUKAN 24:60

Barakato' nilo boo i Ribika ra ragu ragitio: “Gama' ru okou Ribika, masauk ra ina' ru jujuta' ulun! Gama' ru papag muno manguasa' ra bandar-bandar ru pantula' nilo!”

KASAUKAN 29:16

Makaanak i Laban ruo ngaulun ruandu', inggalan ru katuaan no i Liya am pupusan no i Ragil.

KASAUKAN 29:25

Suabon raginio, kalimani' boo ri Jakub ra i Liya rinulug nano. Ongoi io boo ri Laban am indagu, “Kua gitio pinamakuan muno raki'? Nangandoi aku koson manangandu' ri Ragil. Kua ruungo' mu aku?”

KASAUKAN 29:32

Kaapang i Liya am paganak sangulun anak ungkuyon. Kono, “Nakito ru Tuhan no kapaganan kuno, am raino tumogom ralaki kuno raki'.” Inggalani' no boo anak raginio i Rubin.

KASAUKAN 35:23

Anak ungkuyon ri Liya i Rubin (anak katuaan ri Jakub), Simion, Liwi, Jiuda, Isakar am i Jibulon.

KASAUKAN 35:24

Anak ungkuyon ri Ragil i Jusup am i Binjamin.

1 RAJA'-RAJA' 21:8

Kopongo raginio panulis i Ijibil ra kukula' surat, saini' no ralalom inggalan ru Raja' Agab am sinaapan ra saap ru raja', am paatari' no ginio ra kukula' ngaulun pagawai am tingganai ru bandar ru Jijriil.

1 TUNUNG RU BANSA' ISRAIL 2:51

I Salma, anak ungkuyon nano ra karuo ondo' nambaal ra bandar Bitligim; i Garip, anak ungkuyon nano ra katalu ondo' nambaal ra bandar Bit-Gadir.

MAZMUR 132:6

Giu' ra Bitligim naining takau ragu koson ra Kaban Nabantuan, am najampa' giu' ra limayak Jaar.

AMSAL 14:1

Ruandu' mapintar mambaal ra baloi nano matanda', kaa' ruandu' sasambungon mamalunsai ra baloi nano galama'.

AMSAL 31:23

Ralaki nano tingganai ru nasuangan ulun, am sangulun maayo pangkat.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

SAGULION 25:7

Kaa' amon ru pabukat ru ulun minatoi no kalo masaga' maguot ra napuor no, musiti' napuor no mongoi ra tingganai-tingganai ru bandar no am mindagu, ‘Pabukat ru ralaki kuli kalo masaga' mambaal ra inaru' riso. Kalo masaga' io manaak ra pabukat nano ra papag ra gino ngai' ru bansa' ru Israil.’

SAGULION 25:9

am musiti' napuor no minggaar riso giu' ra saang ru tingganai-tingganai ru bandar no. Napuor no pana musiti' mamagus sanggipa' ra kasut ru pabukat ru ralaki nali am mantiwog ra bulos nano, liliwa' mindagu, ‘Gitio noyo ondo' masauk ra ulun ondo' kalo masaga' manaak ra papag ra pabukat nano.’