RUT 3:10 - Tanou Moonsoi Timugon

¹⁰ “Mambarakat Tuhan rirun,” kon ri Boas. “Ra binaal mutu, napakito kou ra gagaya' ondo' maayo poyo intor ra atan ondo' binaal mu noyo ra iwan muno. Sotopot no makauyum kou ra sangulun buayoi, ondo' langkaya' kapoam ondo' musikin. Kaa' kalo binaal muno ginio.

RUT 3:10 Iomraidhean Croise

KASAUKAN 24:31

Indagu i Laban, “Okou noyo ulun ondo' binarakat ru Tuhan. Pai' bigor ra liwar no. Ibok no, ongoi ra baloi maino, makalamin ondo' tinampos kalalair rirun am ayanan ru unta-unta muno.”

RUT 1:8

indagu i Naomi ra karuruo ngaulun anak mangiwan nano, “Uli' kano ra baloi ru ina' mino. Gama' ru gumonsoi Tuhan ramuyun koson akau giminonsoi raki' am risilo ondo' namagatoi.

RUT 2:11

Taam i Boas, “Norongog ku noyo nansalinut ondo' binaal muno ra iwan muno intor ra ralaki muli minatoi. Nakapandai aku ra okou nanatang ra matuo muno ra pagun min koson maya' simpung ra bansa' ondo' kalo nauligan min.

RUT 2:20

“Gama' ru barakaton ru Tuhan i Boas!” Kon ri Naomi ri Rut. “Tuhan masalok mampagagaya' ra bantu' Nano, ra ulun lakat maayag kapoam ulun ondo' namagatoi.” Kono poyo, “Ulun no pabukat molongkot takau. Io no niayuk magalung ritakau.”

RUT 2:4

Kalo nabuoi raginio, i Boas galama' minatong intor ra Bitligim. Nangani' io ra ompor ra ngaangai' mangandoi nano. “Gama' ru Tuhan mabaya' ramuyun,” kono. “Gama' ru Tuhan mambarakat rirun,” konilo timinaam.

RUT 3:9

“Osoi kou?” kuot ri Boas. “Aku i Rut, tuan,” taam nano. “Kasaga' no mamingkal ra sukub koson mangampin raki'; kasaga' no manangandu' raki'. Sabap okou no pabukat mamaar ramon, okou noyo napalansanan ra bayag kuno.”

1 SAMUIL 15:13

Pakatuum i Samuil ra Raja' Saul, kon ru Raja' Saul riso, “Gama' ru mambarakat Tuhan ri Samuil. Sinugut ku noyo susuban ru Tuhan.”