RUT 2:6 - Tanou Moonsoi Timugon

⁶ Tingganai ru mangandoi no nambala', “Io ruandu' bansa' ru bokon ondo' bagu minatong intor ra Moab minaya' ri Noami.

RUT 2:6 Iomraidhean Croise

KASAUKAN 15:2

Kaa' taam i Abram, “Iou Tuhan Raja', Atan kia onong ru taak no raki' sabap ra aku kolondo' anak? Ulun ondo' manungkus ra rapu' kuno, iono i Iliijir ayuk, ulipon kuno ulun ru Damsyik no.

KASAUKAN 24:2

Sangarawan ragili, indagu i Abragam ra ulipon matutuo nano ondo' magalung ra ngaangai' rapu' nano, “Poompoyo' kalindu' muno ra lolot ru karuruo puun ru paa kutu am pagibot no.

KASAUKAN 39:4

Maansayan i Potipar riso am alapo' no i Jusup ra mangindangan ayuk riso, am paalungi' no ri Jusup baloi am ngaangai' rapu' nano.

MATIUS 20:8

Paat ra lumondom, indagu tatangan ra umo i ra mandur ru ulun-ulun mangngandoi i, ‘Piawo' ngaangai' mangngandoi am gajii' noyo, intor ra piniau ku mangandoi ra mamai' ti saboi ra ondo' nangandoi intor ra susuab i!’

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

RUT 1:16

Kaa' taam i Rut, “Pai' aku susubo' muli'. Iowo' aku no maya' rirun. Ati ayuk angayan muno, maya' aku ayuk. Ati ayuk ayanan muno, giu' no niayuk ayanan kuno. Bansa' muno, bansa' ku niayuk, am i Aki Kapuuno' ondo' sambaan muno, sambaan ku niayuk.

RUT 1:19

Parampus ilo ugar polos ilo nakasuku' ra Bitligim. Pakasaboi ilo, posongonsol ngaangai' namagun ra bandar no. Indagu ruandu'-ruandu' ra giu' no, “Motopot kia ginio i Naomi?”

RUT 1:22

Ginio noyo tunung ri Naomi minuli' intor ra Moab nabaya' ri Rut, anak mangiwan nano, ulun ru Moab no. Nakasaboi ilo ra Bitligim ra talimpuunan ru mangkumos ra barli.

RUT 2:5

Nangkuot boo i Boas ra tingganai ru mangandoi nano, “Osoi kia ralaa raginio?”

RUT 2:7

Nakiasi' io maya' ra ngaangai' mangandoi takau koson mampalulur ra barli napulayat. Nokorondom io ra susuab i nangandoi, am bagu io ayuk tangus sangkinolor ra kim.”