RUT 2:2 - Tanou Moonsoi Timugon

² Paat ra sangarawan, indagu i Rut ri Naomi, “Susubo' aku no mongoi ra umo koson mampalulur ra barli ondo' napulayat intor ra kalindu' ru nangkumos. Maaru' makatuum aku ra ulun ondo' nakapulayat raginio.” Taam i Naomi, “Ugar no anak kuno.”

RUT 2:2 Iomraidhean Croise

KASAUKAN 32:6

Pakasaguli' ulun-ulun sinusub no ri Jakub, indagu ilo riso, “Nakatuum akai noyo ra maayo muli, i Isau am raino mangkiralan io mongoi tuum rirun am binaya' io niayuk ru apat ngaatus ngaulun.”

IMAMAT 19:10

Pai' timungo' kawa' ru anggur ondo' matatang ra mopongo akau mangupu' ra kasaa'; pai' anamo' kawa' ru anggur ondo' maratu'. Tatango' ginilo ngaangai' ra ulun musikin am ulun bansa' ru bokon. Aku noyo Tuhan i Aki Kapuuno' min.

IMAMAT 19:16

Pai' potonowo' ragu sinimbaal intor ra ulun bokon. Paat ra bisaraan sasangulun no, pai' pangani' ra inono' magabau ondo' mangkinibit ra ulun no ukumin ra matoi. Aku noyo Tuhan.

IMAMAT 19:9

“Paat ra akau mangkumos ra ampos ru tinanom, pai' kumoso' ampos ru tinanom ondo' timinuu' giu' ra kiing ru umo. Pai' ruli' ra umo koson mangkumos ra ampos ru tinanom ondo' matatang ra mopongo mangkumos.

IMAMAT 23:22

Paat akau mangkumos ra gandum giu' ra umo, pai' kumoso' gandum ondo' timinuu' ra kiing ru umo, am pai' saguli' ra umo koson mangkumos ra gandum ondo' natatang. Tatango' ngaangai' no ra ulun musikin am ulun bansa' ru bokon. Tuhan iono i Aki Kapuuno' min.

RUT 2:3

Ongoi boo i Rut ra umo. Minaya' io ra ulun-ulun mangkumos ra giu' liliwa' nanganam ra barli ondo' napulayat. Naintuma' ra io soroi ra umo ri Boas, sangulun intor ra pantukir ri Ilimilik.

RUT 2:7

Nakiasi' io maya' ra ngaangai' mangandoi takau koson mampalulur ra barli napulayat. Nokorondom io ra susuab i nangandoi, am bagu io ayuk tangus sangkinolor ra kim.”

1 SAMUIL 1:18

Indagu i Ana, “Gama' ru makaalap aku ra kimasi' muno.” Kopongo raginio ugar i Ana intor ra giu' no, am pangakan am kalo boo mangiluk guang.