PILIPI 4:8 - Tanou Moonsoi Timugon

⁸ Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

PILIPI 4:8 Iomraidhean Croise

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

2 SAMUIL 1:23

“Raja' Saul am i Jonatan, kasagain am tagamin, kalo nantuliar ralalom ru bayag am matoi; matasik ilo poyo intor ra kanui, am maikang poyo intor ra singa'.

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

MAZMUR 82:2

“Pai' pangakim ra ulun ra kalo matimpok, am pai' saung ra ulun malaat.

AMSAL 11:1

Masisang Tuhan ra ulun ondo' pakuan no ra timbangan kalo motopot, kaa' maansukan Io ra ulun ondo' motopot pakuan no ra timbangan.

AMSAL 12:4

Andu' ra moonsoi masauk ra kaansukan ru ralaki nano, kaa' andu' ra mapakauyu' ra ralaki nano koson ayuk ra maruol kinso ondo' mapasauk ra bungul mopopol.

AMSAL 16:11

Kasaga' ru Tuhan timbangan am tutuku' ra motopot; pai' pamparuung bulintok mangindapu'.

AMSAL 20:7

Pakaansuk noyo anak-anak ondo' mokoondo' ra ama' ondo' mabanis guang am matimpok.

AMSAL 31:10

Andu' ondo' matanda' mapagon matuum. Mologo io poyo ka intan.

AMSAL 31:29

Kon ru ralaki nano, “Mokoondo' masuang ruandu' moonsoi, kaa' okou noyo moonsoi kaga' intor risilo no.”

AMSAL 31:31

Balasi' noyo ngaangai' binaal nano. Io ruandu' ondo' maaya' urumaton ru ngaangai' ulun.

RIMBAI PANGAMPARAN 5:16

Molomoi kaga' ragu-ragu nano, atan linonggom nano namunduk ra guang kutu. Gitio noyo ambai kuno am rangan kuno, alii ra ralaa-ralaa ru Jirusalim.

JISAYA 26:7

Ralan ondo' binayaan ru ulun moonsoi no mabanis, sabap ra Okou, Tuhan, kinabanis Mu ginio risilo.

MATIUS 22:16

Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

LUKAS 2:25

Paat ragili giu' ra bandar Jirusalim mokoondo' sangulun ungkuyon, makainggalan ri Simion. Io sangulun motopot ondo' gumagaya' ri Aki Kapuuno' am maginaa ra pamayagan ru Israil. Kinuasa'

LUKAS 23:50

Mokoondo' sangulun ungkuyon makainggalan ri Jusup, intor ra bandar Arimatia ra Judia. Io ti sangulun motopot am kalansanan ru ulun am maginaa io ra i Aki Kapuuno' matong am mamarinta. Kabalu' pana io sangulun suang ru Majlis Ugama, kalo nangiou io ra binaal nilo ra raitii' i.

JUANIS 7:18

Ulun ondo' mangila' sumugut ra pangkaraan nano galama', io no makiompor ayuk. Kaa' ulun ondo' mongompor Riso ondo' nanusub riso, io ti motopot am kalo magabau.

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

RINALATAN 22:12

Giu' i mokoondo' sangulun makainggalan ri Ananias. Io sangulun ondo' sumamba ri Aki Kapuuno' am sumugut niayuk ra Ukum ri Musa takau. Io niayuk kauligan ra sangulun moonsoi toojo ru ulun ru Jaudi ondo' minayan ra Damsyik.

RINALATAN 6:3

Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

ROMA 13:3

Ulun ondo' mambaal ra moonsoi kalo pana malaa' ra parinta, kaa' ilo ondo' mambaal ra malaat no. Amon ru kalo masaga' kau malaa' ra parinta, pambaal kano ra moonsoi, am intor raginio omporon kau boo.

ROMA 14:18

Osoi ayuk mangandoi ri Kristus koson raginio, io no ondo' mampakaansuk ri Aki Kapuuno' am urumaton poyo ru ulun.

ROMA 2:29

Kaa', ulun ondo' sotopot no ulun ru Jaudi, ioginio ulun ondo' guang nano nakai' ra ulun ru Jaudi. Sunat ra sotopot no, ioginio guang ondo' kinulau ru Ambiluo ri Aki Kapuuno', am sala' ka ondo' tinulisan ra Ukum no. Am poyo sala' ka ulun, kaa' i Aki Kapuuno' galama', ondo' mongompor ra ulun koson raginio.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 13:7

Makiasi' akai ri Aki Kapuuno' koson indanganon kau kalo mambaal ra sala. Ondo' maatang am mambaal kau ra kasagaan ri Aki Kapuuno' am makapambaal kau ra motopot. Kalo pana amon ru akai ilain ayuk ra kalo matanda' mangandoi.

2 KORINTUS 6:8

Urumaton akai am niayuk asabin; omporon akai am niayuk ilaaton. Kabalu' pana mabanis guang mai, uwin akai ra maabau-abau.

2 KORINTUS 8:18

Sangulun poyo ungkuyon pamarangan mai ri Titus. Io mauligan ru ngaangai' pasimpungan ulun Kristian ragiti sabap ra kinapandai no mampabala' ra Tanou Moonsoi.

2 KORINTUS 8:21

Kinooi mai ragino sabap ra masaga' akai mambaal ra atan ondo' motopot, sala' ka ra pagilangan ru Tuhan ayuk, kaa' ra pagilangan ru ulun niayuk.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

IPISUS 6:14

Ginio ra tampos kano koson sangulun saujor; ragu min ra motopot koson ayuk ra abot mino am guang min ra motopot koson ra bayang basi' mino.

SAGULION 16:20

Akau musiti' magail matimpok am kalo magimbas, maa' raginio makaayan kau ra tana' ondo' pataakon ramuyun ru Tuhan i Aki Kapuuno' min, am magulayun kau mayan ra giu' no.

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

KOLOSI 4:5

Kapintar kano paat ra akau lumatok ra ulun ondo' kalo mangintopot no. Kaluagan raginio alapon min mampakito risilo ra akau maamaya' ri Kristus.

1 TISALONIKA 4:12

Amon ru kaayagan min koson noyo raginio, kalo pana boo lumansan kau ayuk ra bokon, am ilo ondo' kalo mangintopot ri Kristus pana mangurumat boo ramuyun.

1 TIMOTIUS 2:2

ioginio raja'-raja' am ngaangai' ru ulun mangunguasa', maa' raginio maayag takau ralalom pabansayan, sumambayang takau ri Aki Kapuuno' am makapaliso takau ra matanda'.

1 TIMOTIUS 3:11

Andu' nilo pana musiti' makapaliso ra moonsoi, sala' ka masaga' mansunur ra bokon, mataan guang am malansanan ra atan ayuk baal.

1 TIMOTIUS 3:4

Io musiti' makapakan ra sasambaloi nano am mangila' ra anak-anak nano gumagaya' am mangurumat riso.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

1 TIMOTIUS 5:2

ruandu' matuo koson ayuk ra ina' muno am ruandu' ondo' mamulok ka okou koson ra boborok muno mabaya' ra kapasawan.

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

TITUS 2:2

Ragui' noyo ungkuyon matutuo maa' raginio mapintar, tumanda' am mongorot. Musiti' ilo ti mangintopot ra Kristus, motogom am poyo mataan guang.

TITUS 2:7

Ralalom ngaangai' baal okou musiti' masauk ra tiluan moonsoi toojo am pangilaan muno pana musiti' mabanis am mapirot.

TITUS 3:14

Ulun takau musiti' migigila' ati kulaan mambaal ra moonsoi. Ginio makapangindangan toojo ra ulun ondo' kolondo' kaukapan am mambaal ra kaayagan nilo pana makaampos.

IBRANI 11:2

Sabap ra intor ra pangintapatan noyo kinamatuaan takali iniou ri Aki Kapuuno'.

IBRANI 13:18

Kasalok kano pakiasi' ri Aki Kapuuno' ramon. Mangintopot akai ra bolos ru guang mai no mapasau, sabap ra mirot akai mambaal ra motopot ra ngaangai' baal.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 4:8

Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.

2 PITRUS 3:1

Pabukat kau ngai' ondo' tagamin ku, gitio noyo surat karuo ondo' posoboyon kuno ramuyun. Ralalom ru karuruo surat kuno giminogot aku ra guangon toojo ondo' natutunan min noyo. Mampakara' aku toojo ramuyun ra ondo' pinabala' ru nabi matulai ra galing i, am atan kia poyo panusuban ru Tuhan am Mamamayag ondo' pinasaboi ru rasul-rasul ramuyun.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

RUT 3:11

Pai' kaimamang, Rut. Suguton ku ngaangai' kitaakon muno. Ngaangai' ulun ru bandar nakapandai ra okou ruandu' ondo' moonsoi paliso.