PILIPI 4:7 - Tanou Moonsoi Timugon

⁷ Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.

PILIPI 4:7 Iomraidhean Croise

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

AYUP 22:21

Raino, Ayup, pobonsoi no ri Aki Kapuuno', am langgai' noyo mangkara' Riso koson ra pantula'. Amon ru mambaal kou koon raginio, barakaton No okou.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 85:8

Paintalango' noyo katagaman Muno ramon, indangano' noyo am bayago' akai no, iou Tuhan.

AMSAL 2:11

Karatian am kapintaran muno mangampin rirun,

AMSAL 4:6

Gonggomo' mu kapintaran, am kapintaran pana mangampin rirun; tagami' noyo kapintaran, am kapintaran pana magalung rirun maa' raginio moonsoi kaayagan muno.

AMSAL 6:22

Pangilaan nilono manulu' ra pangkiralanan mino, mangampin ramuyun bulintok ra molondom, maminson ra bilin ramuyun bulintok ra matawang.

JISAYA 26:12

Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 45:7

Aku noyo namangun ra sinda am kalandaman; Aku noyo maparatong ra barakat am karaat. Aku noyo Tuhan ondo' nambaal ra ngaangai' no.

JISAYA 48:18

Amon ru ilain min ukuman Kuno, makaapu kau ra barakat ondo' kalo maukat-ukat koson ra sungoi ra kalo igondo' kalasak. Kolondo' pupus ru ampos mino koson ra kinulun ru raat ondo' kalo igondo' longgo'.

JISAYA 48:22

“Ulun makatula kalo mabayag,” ginio noyo ragu ru Tuhan.

JIRIMIA 32:16

Pakataak ku surat-surat pambalian no ri Baruk, pakiasi' aku,

JIRIMIA 33:6

Kaa' tauli no punaan Ku baal ru bandar ti am mamabas ra mamagun nano. Manaak Aku ra malabaan ra kaansayan am kamiaan risilo.

UNTABAN 6:26

Gama' ru maansayan Tuhan ramuyun am manaak ramuyun ra kaansayan.

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

ROMA 8:6

Amon ru pamaguangan ondo' kinuasa' ru paliso ru ulun ayuk, baal raginio mangkinibit ra kapatayan. Kaa' pamaguangan ondo' kinuasa' ru Ambiluo ri Aki Kapuuno' magibit ra kaayagan am pabansayan.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.

PILIPI 1:2

Gama' ru i Aki Kapuuno', Ama' takau am Tuhan Jisus Kristus mangani' ramuyun ra barakat am kaansayan.

PILIPI 4:19

Kalangkayaan ri Aki Kapuuno' ondo' sambaan kuno kalo mauntob, ginio ra ralalom ri Jisus Kristus noyo Io mangukop ra atan ayuk kolondo' ramuyun sumugut ra katulayan Nano.

PILIPI 4:21

Pasukuo' noyo kaansayan kutu ra ngaangai' ulun ri Aki Kapuuno' ondo' nakasimpung ri Jisus Kristus. Am poyo apuo' niayuk kaansayan intor ra pabukat Kristian ondo' mabaya' raki' ragiti.

PILIPI 4:9

Suguto' min atan ondo' noowot min noyo intor raki', koson ra atan ondo' nakabala' kapoam binaal kuno. Am i Aki Kapuuno' ondo' manaak ra pabansayan mabaya' boo ramuyun.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”