PILIPI 4:6 - Tanou Moonsoi Timugon

⁶ Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

PILIPI 4:6 Iomraidhean Croise

1 RAJA'-RAJA' 8:28

Iou Tuhan, i Aki Kapuuno' kuno, aku ti ulipon Mu. Rongogo' pakiasian kutu am iowo' kitaakon kutu ra orou raiti'.

2 TUNUNG RU BANSA' ISRAIL 32:20

Raja' Gijkia am Nabi Jisaya anak ri Amos pakiasi' boo ri Aki Kapuuno' am nampiau Riso makiindangan.

MAZMUR 51:15

Aku pana mangila' ra panusuban Muli ra ulun makatula, maa' raginio sumaguli' ilo Rirun.

MAZMUR 55:17

Kaa' mampiau aku ra Tuhan i Aki Kapuuno' koson mangindangan raki', am bayagon No aku.

MAZMUR 55:22

Ragu-ragu nano maamis kaga' makimasi', kaa' guang nano natikop ra sisang; ragu-ragu nano molomoi kaga', kaa' tumobok ra guang koson ra ilang malarom.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 16:3

Ngaangai' kandoi muno pataako' noyo ra Tuhan, am inatangan muno pana masugut.

RIMBAI PANGAMPARAN 2:14

Koson kou ra susuit asang ondo' mansibuni ra kabatuan. Polosoo' aku no magilong ra bulos muno ra mantalur, polosoo' aku no mangkirongog ra bolos muno ondo' matangil.

JIRIMIA 32:16

Pakataak ku surat-surat pambalian no ri Baruk, pakiasi' aku,

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

DANIL 3:16

Taam i Sadrak, Misak am i Abidnigo, “Okou raja', kalo kuminam akai magisaung ra inan.

DANIL 6:10

Koon raginio noyo Raja' Darius siminain ra susuban no.

MATIUS 10:19

Paat ra akau akimin, pai' kano kalaa' ra ati kulaan akau mindagu. Paat ra masuku' paat no, balain kau ra atan ondo' musiti' raguon mino.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 6:34

Ginio ra pai' kau kaimamang ra baal suabon no, sabap ra suabon no mokoondo' noyo kaimamangan no galama'. Pai' noyo ruangi' kapaganan ra orou raiti' ondo' sama' noyo.”

MATIUS 6:8

Pai' kau tilu risilo. Nakapandai pagulu i Ama' mino ra atan ayuk kitaakon mino ra akau kalo poyo nakitaak i.

LUKAS 10:41

Taam i Jisus, “Marta, magalabo am maimamang kou ra masuang baal.

LUKAS 12:22

Indagu i Jisus ra maamaya' Nano, “Ginio ra mindagu Aku ramuyun: Pai' kau pagalabo ra kaayagan min koson atan akanon kapoam bayangon mino.

LUKAS 12:29

“Ginio ra sala' ka magalabo kau ayuk mangkara' ra atan akanon am inumon.

LUKAS 18:1

Pantunung boo i Jisus ra abig ragitio koson mangila' ra maamaya' Nano maa' raginio kalo lumonggo' makiasi'.

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

1 KORINTUS 7:21

Amon ru ulipon kou paat ri Aki Kapuuno' nampiau rirun, pai' kapagon mangkara' raginio. Kaa' amon ru makakaluagan kou koson lumabus intor ra pangulipanan, alapo' noyo kaluagan raginio.

1 KORINTUS 7:32

Malansan aku ra makalabus kau intor ra pagalabaan. Ungkuyon kolondo' andu' mampakaatang toojo ra kandoi ru Tuhan, sabap ra moogot io mampakatasu' ra Tuhan.

2 KORINTUS 1:11

Ra indangan ru pakiasian min mamayag Io poyo ramon. Sabap ra masuang pakiasian mini iowon ri Aki Kapuuno', am mambarakat io ramon, am sabap raginio, masuang ulun boo maringkuanang ri Aki Kapuuno'.

IPISUS 5:20

Ra pasimpungan min ri Tuhan Jisus Kristus, kasalok kano maringkuanang ri Aki Kapuuno', Ama' takau, ra ngaangai' ru atan ayuk.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

KOLOSI 4:2

Ralalom ru pakiasian min, pirot kano toojo, ilalai' am paringkuanang ri Aki Kapuuno'.

1 TIMOTIUS 2:1

Pagulu, kitaakon ku toojo ra pakitaakan, pakiasian, pambarakatan ra ulun bokon am paringkuanangan posoboyon min ri Aki Kapuuno' ra ngaangai' ulun;

1 TIMOTIUS 5:5

Napuor ondo' totopot misasangulun ayuk, koson kolondo' magalung riso, malansan io ayuk ri Aki Kapuuno'. Orou-rondom kalo lulumonggo' io makiasi' koson makitaak ra kaindanganan Nano.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 PITRUS 5:7

Pataaki' noyo ngaangai' pagalabaan mino ri Aki Kapuuno', Sabap ra maayo toojo guang Nano magalung ramuyun.

1 SAMUIL 1:15

Taam i Ana, “Tuan, kalo nagauk aku. Kalo nanginum aku ra wain. Aku ti malumpus guang, am tatanga' aku makiasi' koson mapaingkual ra suang ru guang ra Tuhan.

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.