PILIPI 4:4 - Tanou Moonsoi Timugon

⁴ Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

PILIPI 4:4 Iomraidhean Croise

MAZMUR 146:2

Mongompor aku Riso buoi ru painawo kuno; rimbayin ku i Aki Kapuuno' kuno buoi ru painawo kuno.

MAZMUR 33:1

Akau ulun ra motopot, pagilakup no ra maansukan sabap ra atan ondo' binaal ru Tuhan; omporo' noyo Io, akau ngaangai' ulun ondo' gumagaya' Riso!

ABAKUK 3:18

masalok aku maansayan am maansukan, sabap ra Okou Tuhan i Aki Kapuuno' mamayag raki'.

MATIUS 5:12

Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”

RINALATAN 16:25

Olo'-olo' tanga' ru rondom, i Paulus am i Silas nakiasi' am narimbai mongompor ri Aki Kapuuno'. Ulun bokon ondo' inaput pana nangkirongog risilo.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

ROMA 12:12

Lansan kano ra Tuhan ra guang maansukan. Kataan kano amon ru makakapaganan am kasalok pakiasi' ra Tuhan.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

GALATIA 1:8

Kaa' mapara' piboo usung mai amon ru akai, kapoam malaikat ru Tuhan pana, mampasaboi ramuyun ra tanou moonsoi sala' intor ra ondo' pinatanou maili noyo!

PILIPI 2:18

Am mogondo' niayuk ramuyun ra moonsoi maansayan am maansukan kau mabaya' raki'.

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

1 PITRUS 4:13

Kaa' sotopot no, pakaansuk kano sabap ra makaaya' kau kaimbolo' mogondo' ri Kristus. Koson raginio mulu' poyo kinaansuk min paat ra kuasa' ri Kristus paintalangon.