PILIPI 4:12 - Tanou Moonsoi Timugon

¹² Nakaili' aku no ra ati kulaan kaayagan ra nakayaan kapoam maulian. Am nakapandai aku niayuk ra ati kulaan maubas ra kabalu' pana mansalinut ondo' masauk raki', iou pana paat ra naasug kapoam naitilan, ra aku langkaya' kapoam musikin.

PILIPI 4:12 Iomraidhean Croise

NIGIMIA 9:20

Sabap ra kinoonsoi Muno, nambala' Kou ramon ra atan ondo' musiti' baalon; nangani' Kou risilo ra manna koson ra akanon, nangani' Kou risilo ra timug koson ra inumon.

JISAYA 8:11

Kinuasa' aku ru Tuhan am pinakara' aku maa' raginio kalo maya' ra ralan ondo' binayaan ru bansa' raginio. Mindagu Io,

JIRIMIA 31:19

Timinalikur akai intor Rirun, kaa' pansagulian akai ra binaal raginio. Kopongo ra Okou nangukum ramon, parikuku' ulu mai sabap ra mangiluk guang. Nauyu' akai am inasaban sabap ra makatula akai paat ra kinamuloko'.’

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 10:10

Mokoondo' mindagu ra, “Surat-surat ri Paulus malarom am moporos, kaa' paat ra io mokosoroi ritakau, malawo ulun no am ragu nano pana kalo sama' iningon.”

2 KORINTUS 11:27

Mirot aku mangandoi suku' matipatoi; malukou aku am magail kalo maukop akanon kapoam inumon; magail aku ayuk maitilan, masimuan am poyo kolondo' ralinan kapoam ayanan.

2 KORINTUS 11:7

Paat ra aku nampabala' ra Tanou Moonsoi ramuyun kalo nakibalos aku ra atan-atan. Ginio binaal kuno ra guang minggana' koson mangurumat ramuyun. Nakasala aku kia? Kalo!

2 KORINTUS 11:9

Kalo igondo' aku pantipagon ramuyun, kabalu' pana ragili kolondo' ruit kutu; pabukat Kristian ondo' minatong intor ra pagun ru Makidonia noyo nangindangan pangani' ra atan ondo' kalo maukop raki'. Intor poyo ragili am suku' ra orou matong pana kalo noyo mantipagon aku ramuyun!

SAGULION 32:10

“Natuum No ilo timinanggau giu' ra tana' kaagisan, tana' kaagisan ondo' masiluk am makauma' ra angin. Nanindung am nagalung Io risilo koson ra Io nagalung ra unor ru mato Nano.