PILIPI 3:8 - Tanou Moonsoi Timugon

⁸ Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

PILIPI 3:8 Iomraidhean Croise

1 RAJA'-RAJA' 14:10

Ginio sabap ra mamparatong Aku ra karaat ra papag muno. Mamatoi Aku ra ngaangai' ru papag muno ondo' ungkuyon, ondo' mamulok am niayuk ondo' matutuo. Liomon Ku sasambaloi muno. Saliiron ilo koson magalus ra majamol.

2 RAJA'-RAJA' 9:37

Suwo-suwo ru baangkai nano makulipatak koson ra ampangara' ru bibiag, saboi kalo boo mauligan.’ ”

AYUP 20:7

kaa' lumiot ilo ra sabubuoi no, kalio intor ra tana' ti ra ralan makauyuyu'. Ulun ondo' nakaulig risilo mangkuot, ‘Ati angayan nilo?’

MAZMUR 126:6

Ulun ondo' mapatias ra sampug ra umo nano liliwa' pooposok lomou nano, muli' io magibit ra ampos ru tatanom liliwa' marimbai ra maansukan.

MAZMUR 73:25

Osoi poyo longgom kuno giu' ra suruga' amon sala' ka Okou? Kolondo' boo guangon kuno ra tana' ti amon sala' ka Okou.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

MALIAKI 2:3

Ukumin Ku anak-anak min, am luitin Ku bulos min ra ampangara' ru bibiag ondo' pataakon min. Mopongo raginio ralaaton kau ru ulun ra nampabujukan ra ampangara'.

UNTABAN 14:30

Nambantu' Aku noyo ra mapaayan ramuyun ra tana' ti, kaa' kolondo' sangulun pana ramuyun mayan ra giu' no ondo' ak am i Kalib am i Josua.

LUKAS 1:43

Osoi niayuk aku ti saboi ina' ru Tuhan kuno matong raki'.

LUKAS 11:20

I Aki Kapuuno' nangani' Raki' ra kuasa' mampagiru' ra riwato am gitio noyo tatandu' ra timinalimpuun noyo i Aki Kapuuno' mamarinta ramuyun.

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 14:7

Amon ru makaulig kau Raki', makaulig kau niayuk ra Ama' Kuno. Intor raino nakaulig kano am nakakito niayuk Riso.”

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 17:8

Pinasaboi Ku noyo risilo nangilaan Muli Raki' am inapu nilo. Nakapandai ilo no ra totopot Aku minatong intor Rirun am mangintopot ilo poyo ra Okou no nanusub Raki'.

JUANIS 20:13

Pangkuot malaikat-malaikat no riso, “Kua pantangi' kou?” Taam io, “Inalap boo baangkai ru Tuhan kuli, am kalo nakapandai aku ati nampabantaan Riso.”

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

ROMA 8:18

Intor raginio mangintopot aku ra ngaangai' kaimbalaan ondo' malimanan takau raino kalo sama' pogondoon ra katulayan ondo' paintalangon ri Aki Kapuuno' ritakau ra maagu no.

1 KORINTUS 2:2

Sabap ra buoi ku soroi ramuyun, kolondo' rinagu ku ra bokon, ondo' ak am tanou ri Jisus Kristus am sauk ru pinatayan Nano ra salip.

1 KORINTUS 9:10

Kapoam itakau nua' koson ru ginio? Motopot, itakau noyo kinaatang ru tinulisan ti. Ginio ra ulun ondo' mantanom am mangkumos no mangandoi sabap ra malansan makaapu io ra tayar intor ra ampos ru kandoi nano.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.

IPISUS 4:13

Koson raginio ra pangintapatan am kapandayan takau ngaangai' ra Anak ri Aki Kapuuno' no mogondo' ayuk. Masauk takau ra ulun maikang pangintapatan, ondo' buoi-kabuoi, makatilu ra paliso ri Kristus.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.

PILIPI 3:10

Am raino rorondo' ayuk gogoton kutu, ioginio maayag mintutun ri Kristus am makaliman ra kuasa' ondo' namayag Riso intor ra kapatayan, am masaga' poyo imboloon am potoyon koson Riso.

PILIPI 3:12

Kalo noyo lair mindagu aku ra matanda' aku no am kolondo' sala ku. Kaa' rayuson ku ayuk mompogogot ra taak ondo' pinatampos noyo raki' kalalair ri Jisus Kristus. Ginio boo puun ra Io nampasauk raki' ra maamaya' Nano.

PILIPI 3:7

Kaa' sabap ra gumagaya' aku ri Kristus, atan ondo' ginuang ku ragili ra maatang, karaan ku raino ra kolondo' boo onong.

2 TIMOTIUS 4:6

Kaa' koson raki' ti, maar noyo aku simbaluyon pataakin ri Aki Kapuuno'. Kalo boo mabuoi aku mangiruan ra tana' ti.

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

1 PITRUS 2:7

Koson ra akau ondo' mangintopot, batu ti mokologo toojo. Kaa' koson ra ulun ondo' kalo mangintopot: “Batu ra kolondo' onong ru ulun mananambaloi, io boo nasauk ra batu ondo' maatang kaga'.”

2 PITRUS 1:2

Gama' ru ruangin poyo ri Aki Kapuuno' barakat am pabansayan Nano ramuyun, sabap ra nakaulig kano Riso am niayuk i Jisus, Tuhan takau.

2 PITRUS 1:3

Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

2 PITRUS 1:8

Amon ru ngaangai' ru ginio ruangin ra kaayagan min, maaru' kapandayan min intor ri Jisus Kristus, Tuhan takau, sumingkot am mokoonong.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.