PILIPI 3:7 - Tanou Moonsoi Timugon

⁷ Kaa' sabap ra gumagaya' aku ri Kristus, atan ondo' ginuang ku ragili ra maatang, karaan ku raino ra kolondo' boo onong.

PILIPI 3:7 Iomraidhean Croise

KASAUKAN 19:17

Kopongo raginio, indagu sangulun intor ra malaikat no, “Pagiru' no, am akau pana maayag! Pai' pangkaili ra tinaulian am pai' uog ra limayak no. Pagiru' kano ra kabuluran no maa' raginio kalo matoi kau.”

KASAUKAN 19:26

Kaa' pangkaili andu' ri Lot ra tinaulian am kaangun io boo ra lugu' ru usi'.

AYUP 2:4

Taam i Manusuk, “Ulun masaga' mapataak ra ngaangai' longgom nilo maa' raginio makatanduus kaayagan.

AMSAL 13:8

Ulun langkaya' mamakai ra ruit maa' raginio kaayagan nano moonsoi ayuk, kaa' ulun musikin makalabus intor ra kaayagan makalalaa'.

AMSAL 23:23

Pangilaan ra motopot, mapintar, ubason, am pangaratian – ngaangai' no sotopot no balion kaa' mologo toojo ra talanon.

MAMPATANOU 3:6

Io nangaru' ra paat koson mokoowot am paat ra matatakan, paat ra koson mambuli am paat ra mamatir,

MATIUS 16:26

Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?

MARKUS 10:50

Aluso' ru ulun bolou no bayang maawar nano am patiri', am indibok bigor am rapog ri Jisus.

LUKAS 14:26

“Osoi ayuk matong Raki' no, kalo masauk ra maamaya' Kuno amon ru kalo motogom io toojo Raki' intor ra togom no ra ina' nano, ama' nano, andu' nano, anak-anak nano, pinongkotob no ra ungkuyon am ruandu' am kaayagan nano galama' pana.

LUKAS 14:33

Pupusi' ri Jisus ragu Nali, “Koson niayuk ramuyun, kolondo' sangulun pana masauk ra maamaya' Kuno amon ru kalo mangiruan kau ra ngaangai'.”

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

RINALATAN 27:38

Kaasug ilo ngaangai', patiri' nilo ngaangai' gandum ra raat koson mampamaan poyo ra kapal ti.

IBRANI 11:26

Nangkara' io ra moonsoi poyo matiu' ra kaimbalaan mogondo' ra Mamamayag ondo' sinusub ri Aki Kapuuno', intor ra mokoowot ra ngaangai' rapu' ru pagun ru Misir. Sabap ragitio noyo kalansanan nano ra makaampos io ra tauli no.