PILIPI 3:6 - Tanou Moonsoi Timugon

⁶ Gitio noyo nangkinibit ra aku nangimbolo' ra ulun-ulun Kristian no. Am intor ra katapatan poyo, ioginio ati kulaan aku giminagaya' ra susuban ru Ukum ri Musa, kalo igondo' aku pakasala.

PILIPI 3:6 Iomraidhean Croise

2 SAMUIL 21:2

Ulun ru Gibion sala' ka ulun ru Israil; ilo no santimungan boborok bansa' ru Amori. Ulun ru Israil nambantu' koson manindung risilo, kaa' Raja' Saul minirot koson mamuso risilo sabap ra magalung io ra kaatangan ru ulun ru Israil am Jiuda.)

2 RAJA'-RAJA' 10:16

Kon ru Raja' Jigu, “Baya' no raki' am ilai' galama' ra mapara' pirot kuno mangandoi ayuk ra Tuhan.” Ilo pana nabaya' minongoi ra Samaria.

MAMPATANOU 7:16

Ginio ra pai' no koonsoi kaga' kapoam kapintar kaga'; kua pamuso ra inan galama'?

IMAMAT 13:16

Kaa' amon ru mapali' kungkung no am mapulak saguli', musiti' ulun no muma' ra imam

MATIUS 23:25

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Mampaliung kau ra liwar ru sangkir am kakanan min suku' mapasau, kaa' ralalom no majamol, mototop ra baal malaat ra akau mampagaau ra kuliamos am mangingkaut.

MATIUS 5:20

Balain takamin: Amon ru gumagaya' kau toojo ra kasagaan ri Aki Kapuuno' intor ra mangingila' ra Ukum ri Musa am ulun-ulun ru Parisi, bagu no masauk kau ra ulun ri Aki Kapuuno'.”

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

RINALATAN 22:5

Tingganai Maayo Imam Jaudi am niayuk ngaangai' tingganai ru Majlis Ugama, makapangani' ra sasi' ra kalo magabau aku. Ilo no ondo' nangani' raki' ra surat kuasa' patuluon ra ulun ru Jaudi ra Damsyik, ioginio mangiou raki' mamparakop ra ulun ru Jaudi ondo' nangintopot ri Jisus koson ibiton ra Jirusalim ra ukumin.”

RINALATAN 26:5

Lair noyo nakaulig ilo toojo raki'. Amon ru masaga' ilo, makapangani' ilo ra kaintutunan ra intor ragili noyo minaya' aku ra tayar Parisi ondo' sumugut toojo ra ngaangai' kaulayan ru ugama mai.

RINALATAN 8:3

Kaa' i Saulus mangkinam mamuso risilo. Ginio ra mongoi io ra baloi nilai am ralaaton no ulun-ulun nangintopot am pasubolon no ilo ra lamin pangaputan.

ROMA 7:9

Ragili kalo nakatutun aku toojo ra ukum, kaa' pakatutun aku ra ukum no, tumalimpuun tula no manguasa' raki',

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

1 KORINTUS 15:9

Aku no rasul ru Tuhan ondo' nakatauli toojo. Aku kalo maaya' piawon ra rasul, sabap ra nangimbolo' aku ra pasimpungan ulun Kristian.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

TINGGANAI RU BANSA' 6:30

Indagu ilo boo ri Joas, “Ibito' noyo anak muno ragiti maa' raginio mapatoi mai io! Linunsai no altar ru Baal am namuut ra lugu' tatandu' ru Dewi Asyira ondo' giu' ra sapapa' ru altar no.”