PILIPI 3:5 - Tanou Moonsoi Timugon

⁵ Atan nai ra kalupus ayuk nabaluan ra aku inanak, sinunatan aku no am intor aku ra pagun ru Israil, am papag aku po ru kinamatuaan takau i Binjamin. Ginio nai ra aku ti ulun kopoyo ru bansa' Ibrani. Am poyo kinapirot ru gagaya' ku ra ukum ru ugama Jaudi noyo nagibit raki' saboi nakaaya' aku ra tayar Parisi no.

PILIPI 3:5 Iomraidhean Croise

KASAUKAN 14:13

Kaa' sangulun ondo' nakapagiru' am minongoi pambala' ra ngaangai' no ri Abram, ulun ru Ibrani no. Minayan i Abram maar ra puun-puun matulai, longgom ri Mamri ulun ru Amori. I Mamri am pabukat-pabukat ungkuyon nano, i Iskol am i Anir rangan pagamung ri Abram.

KASAUKAN 40:15

Sabap, sotopot no aku ti tinakou intor ra pagun ru ulun ru Ibrani, am giti ra pagun ru Misir ti pana, kalo nambaal aku ra atan ayuk pana kalaatan ondo' mangkinibit raki' ra aputon.”

KASAUKAN 41:12

Nakapaat raginio mokoondo' sangulun sumbiling ulun ru Ibrani nababaya' ramon. Ulipon io ru tingganai ru magagalung no. Tunungo' mai inupi maili riso am pambala' io ra arati' ru inupi no.

JUNUS 1:9

Taam i Junus, “Ulun aku ru Ibrani. Sumamba aku ra Tuhan, i Aki Kapuuno' giu' ra suruga', ondo' nambaal ra raat am lantur.”

LUKAS 1:59

Balu' ngoorou noyo buoi ru lalagang i, ratong ilo koson mongoi panunat riso. Masaga' ilo manginggalan ra lalagang no i Jakaria, paansangayon ra ama' nano.

LUKAS 2:21

Balu' ngoorou noyo buoi lalagang i, sunati' nilo am inggalani' nilo Io ri Jisus. Gitio pinainggalan ru malaikat i Riso ra Io kalo poyo tininai' ru ina' Nali.

LUKAS 5:38

Kaa' wain baguon no maaru' lingigon ralalom kantungan baguon niayuk.

RINALATAN 22:3

“Ulun aku toojo ru Jaudi. Intor aku ra bandar Tarsus ra pagun Kilikia, kaa' giti ayuk ra Jirusalim ti nasukaran kuno am minigigila' aku ri Gamalil. Inila' aku toojo ra Ukum ri Musa ru kinamatuaan takau am patimpokon ku kaayagan kuno ri Aki Kapuuno' nogondo' ra akau ngaangai' ra orou raiti'.

RINALATAN 23:6

Kaa' pakakito boo ri Paulus ra mokoondo' sampiruo intor ra Majlis Ugama i ulun-ulun ru Saduki am sampiruo i poyo ulun-ulun ru Parisi, indagu io risilo ra mapuor, “Pabukat kau ngaangai'! Aku ti ulun ru Parisi am papag poyo ru ulun ru Parisi. Bisaraan aku ragiti sabap ra mangintopot aku ra ulun matoi bayagon saguli'.”

RINALATAN 6:1

Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

ROMA 11:1

Ginio ra mangkuot aku poyo: Inimpayan kia ri Aki Kapuuno' ulun pinili' Nano? Maaru' kalo! Aku galama' pana ulun ru Israil, papag ri Abragam tayar ri Binjamin.

2 KORINTUS 11:22

Konilo ra ulun ilo ru Jaudi. Aku pana! Kon poyo, pagun nilono Israil. Iou, mogondo' raki'! Ragu nilo poyo ra papag ilo ri Abragam. Ba, aku niayuk!

1 SAMUIL 4:6

Nokorongog niayuk saujor ru Palistin ra noloos no am indagu, “Kua nua' noloos ulun ru Ibrani no?” Kaa' kalupus ra ilo nakapandai ra Kaban Nabantuan ru Tuhan nakasaboi noyo ra pangkiman ru ulun ru Ibrani,