PILIPI 3:3 - Tanou Moonsoi Timugon

³ Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 3:3 Iomraidhean Croise

MAZMUR 105:3

Pakaansuk kano sabap ra itakau ti Io ra longgom; ngaangai' ulun ondo' sumamba ra Tuhan, io no musiti' maansukan.

JISAYA 45:25

Kaa' papag ri Jakub bayagon, am mongompor ilo Raki', Tuhan.”

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 15:17

Sabap ra nasimpungan kuno ri Kristus Jisus, maayo boo guang ku sabap ra kandoi kuno ri Aki Kapuuno'.

ROMA 7:6

Kaa' raino nakalabus takau noyo intor ra Ukum ri Musa no, sabap ra koson ra ulun minatoi takau noyo, ioginio kalo boo manguasa' io ritakau. Raino kalo boo mangandoi takau ri Aki Kapuuno' maya' ra ukum ondo' tinulisan, kaa' maya' ra ralan bagu ondo' tuluin takau ru Ambiluo ri Aki Kapuuno'.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

ROMA 9:6

Kalo mindagu aku ra bantu' ri Aki Kapuuno' i kalo nasugut. Kaa' sala' ka ngaangai' bansa' ru Israil pinili' ri Aki Kapuuno',

2 KORINTUS 11:18

Masuang toojo ulun lumimbau ra kinaatang nilai giti ra tana' ti, ginio nai ra aku galama' pana masaga' lumimbau.

GALATIA 5:25

Amon ru inanian takau ru Ambiluo ri Aki Kapuuno' ra kaayagan bagu; maaru' Io no musiti' manguasa' ra kaayagan takau.

GALATIA 6:16

Am ulun ondo' mampagagaya' ra panusuban ragitio, gama' ru aniin ilo ri Aki Kapuuno' ra kaansayan am asi', am niayuk ra ngaangai' ulun ri Aki Kapuuno'.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

SAGULION 10:16

Ginio ra intor raino, gagaya' noyo ra Tuhan am pai' boo bambalingatan.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.

PILIPI 3:12

Kalo noyo lair mindagu aku ra matanda' aku no am kolondo' sala ku. Kaa' rayuson ku ayuk mompogogot ra taak ondo' pinatampos noyo raki' kalalair ri Jisus Kristus. Ginio boo puun ra Io nampasauk raki' ra maamaya' Nano.

PILIPI 3:14

Ginio boo puun ra aku marayus ayuk mompogogot ra taak nangulaan ti, ioginio kaayagan giu' ra suruga'. Am gitio noyo pampiawan ritakau ri Aki Kapuuno' sabap ri Jisus Kristus.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.

JUDAS 1:20

Kaa' koson ramuyun, pabukat kau ngai', kaikango' ayuk pangintapatan mino ri Jisus Kristus, ondo' gitio noyo rondo'-rondo' ayuk matulai. Pakiasi' kano ralalom kuasa' ru Ambiluo ri Aki Kapuuno'.