PILIPI 3:21 - Tanou Moonsoi Timugon

²¹ Sabap ra paat ra ratangan saguli' Nano, inan takati ondo' malawo am mapuso ti, kulawon No sumauk ra baguon mogondo' koson Riso. Mabaal No ginio sabap ra Io mokoondo' ra kuasa' ondo' mapatinduku' ra ngaangai' no Riso.

PILIPI 3:21 Iomraidhean Croise

RIMBAI PANGAMPARAN 1:11

Baalin mai okou ra sisigot mas, busakin ra sisigot pirok.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

MATIUS 22:29

Taam i Jisus, “Mumpara' boo layau ru pangkaraan mino! Akau kalo makarati' ra Buuk Kitab kapoam kuasa' ri Aki Kapuuno'.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

KOLOSI 3:4

Ginio nai ra i Kristus noyo puun ru kaayagan bagu mino. Am paat ra Io paintalangon saguli', makapasimpung kau Riso ra katulayan Nano.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

PINAINTALANG 1:8

“Aku noyo talimpuun am Aku noyo pupus,” ragu ru Tuhan, i Aki Kapuuno' Ondo' Maayo Kaga' Kuasa', ondo' soroi raino, galing i am pupus no pana.