PILIPI 3:16 - Tanou Moonsoi Timugon

¹⁶ Baalo' takano maya' ra katapatan ondo' inila' noyo ritakau.

PILIPI 3:16 Iomraidhean Croise

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

ROMA 15:5

Gama' ru i Aki Kapuuno' ondo' mampaikang ra guang min am mangani' ramuyun ra guang mataan, mangindangan ramuyun maayag ra rondo' guang sumugut ra tiluan i Kristus Jisus.

GALATIA 5:7

Ragili matanda' toojo binaal mini! Kaa' raino osoi nangkinibit ramuyun kalo boo mampagagaya' ra pangilaan motopot intor ri Aki Kapuuno'? Ati guat kulaan kau nakimaitan poyo?

GALATIA 6:16

Am ulun ondo' mampagagaya' ra panusuban ragitio, gama' ru aniin ilo ri Aki Kapuuno' ra kaansayan am asi', am niayuk ra ngaangai' ulun ri Aki Kapuuno'.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

PILIPI 2:2

Ginio nai ra kinam kano papakaansuk toojo ra guang kuno koson ragitio: Korondoo' guang am pangkaraan min, togom am kasagaan min.

PILIPI 4:2

Gitio bilin ku ri Iuodia am Sintiki ra pogondoo' noyo guang mino maa' raginio mambukat kau ralalom pasimpungan min ra Tuhan.

KOLOSI 2:6

Inapu min noyo i Jisus Kristus koson ra Tuhan min. Ginio ra kaayag kano sumimpung mabaya' Riso.

KOLOSI 4:2

Ralalom ru pakiasian min, pirot kano toojo, ilalai' am paringkuanang ri Aki Kapuuno'.

PINAINTALANG 3:3

Karaa' atan ondo' inila' ra galing i ramuyun am atan ondo' rinongog min. Gagayaa' noyo gitio am talikur no intor ra tula mino. Amon ru kalo kumarat kau, matong Aku ramuyun koson ra mantatakou no am kalo mapandayan min sanggilan ratangan Kuno.