PILIPI 3:1 - Tanou Moonsoi Timugon

¹ Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

PILIPI 3:1 Iomraidhean Croise

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

1 TUNUNG RU BANSA' ISRAIL 16:10

Io noyo Tuhan Ondo' Rondo' ayuk, pakaansuk no, sabap ra itakau longgom Nano; ngaangai' ondo' sumamba Riso polosoon maansukan!

1 TUNUNG RU BANSA' ISRAIL 29:22

Paat ra orou raginio nangakan am nanginum ilo ra naansukan giu' ra saang ru Tuhan. Kopongo raginio koson ra kainduo nilo nampatanou ra i Salomo koson ra raja'. Ralalom inggalan ru Tuhan, nampalantik ilo ri Salomo nasauk ra raja', am i Jadok nasauk ra imam.

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

AYUP 22:26

Bagu no mangintopot kou ri Aki Kapuuno' ra masalok, am makapandai ra Io noyo puun ru kaansukan muno.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 32:11

Pakaansuk kano, akau ulun ra motopot, sabap ra ngaangai' ondo' binaal ru Tuhan. Pagilakup am pakaansuk no, akau ngaangai' ulun mabanis guang.

MAZMUR 33:1

Akau ulun ra motopot, pagilakup no ra maansukan sabap ra atan ondo' binaal ru Tuhan; omporo' noyo Io, akau ngaangai' ulun ondo' gumagaya' Riso!

MAZMUR 37:4

Gogoto' noyo kaayagan moonsoi intor ra Tuhan, am aniin kau saboi majala'.

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 5:11

Ukumi' noyo ilo, iou Aki Kapuuno'; polosoo' ilo malumaagan sabap ra ilo galama' nampaguang. Pagiruo' ilo no sabap ra tula nilono masuang kaga' am niayuk giminuor ilo no Rirun.

MAZMUR 97:1

Tuhan noyo raja'! Okou tana' ti, pakaansuk no! Akau pulu'-pulu' ru raat, pakaansuk no!

JISAYA 41:16

Ngaangai' no atapin min, am ngaangai' no masiob ru angin, am pantabuliason ru bagiu'. Akau pana maansukan sabap ra Aku i Aki Kapuuno' min; omporon min Aku, i Aki Kapuuno' ru Israil, i Aki Kapuuno' ondo' matulai.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 65:14

Maririmbai ilo am maansukan, kaa' akau mantangi' am malawo guang.

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

JIPANYA 3:14

Akau ulun ru Israil, pakaansuk kano am parimbai! Akau mamagun ru Jirusalim, pakaansuk kano ra totopot ru guang!

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

JAKARIA 10:7

Mamagun ru Israil masauk ra maikang koson ra ulun tutumula', am maansukan koson ra ulun ondo' nanginum ra wain. Papag nilo mangkara' ra kamanangan ti, am maansukan sabap ra binaal ru Tuhan.

MATIUS 5:12

Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”

LUKAS 1:47

Maansukan aku kaga' sabap ra i Aki Kapuuno' Mamamayag kuno.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

SAGULION 12:18

Akau am anak-anak mino, mabaya' ra ulipon-ulipon mino am ulun ru Liwi ondo' minayan giu' ra bandar-bandar mino, musiti' mangakan ra taak raginio giu' ayuk ra saang ru Tuhan i Aki Kapuuno' min, giu' ra rondo' intok ondo' pinili' ru Tuhan i Aki Kapuuno' min. Giu' ra intok raginio musiti' maansukan kau ra ngaangai' ondo' binaal min.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.

1 TISALONIKA 5:16

Kasalok kano pakaansuk

JAKUBUS 1:2

Pabukat kau ngai'. Paat ra akau makatuum ra nansalinut pangkinaman, karaa' min gitio koson ra rondo' kaantakan,

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:13

Kaa' sotopot no, pakaansuk kano sabap ra makaaya' kau kaimbolo' mogondo' ri Kristus. Koson raginio mulu' poyo kinaansuk min paat ra kuasa' ri Kristus paintalangon.

2 PITRUS 3:1

Pabukat kau ngai' ondo' tagamin ku, gitio noyo surat karuo ondo' posoboyon kuno ramuyun. Ralalom ru karuruo surat kuno giminogot aku ra guangon toojo ondo' natutunan min noyo. Mampakara' aku toojo ramuyun ra ondo' pinabala' ru nabi matulai ra galing i, am atan kia poyo panusuban ru Tuhan am Mamamayag ondo' pinasaboi ru rasul-rasul ramuyun.

1 SAMUIL 2:1

Kopongo raginio pakiasi' i Ana, “Napakaansuk Tuhan no ra guang kutu; mapara' boo bansuk kutu, sabap ra atan ondo' binaal Nano raki'. Raino kuritin ku pantula' kuno; mapara' boo bansuk kuno sabap ra nangindangan noyo i Aki Kapuuno' no raki'.