PILIPI 2:7 - Tanou Moonsoi Timugon

⁷ Kaa' ngaangai' tinatang No ayuk am siminauk koson ra ulipon am siminauk Io ra ulun, am kaayagan Nali mogondo' ritakau.

PILIPI 2:7 Iomraidhean Croise

MAZMUR 22:6

Mampiau ilo Rirun am painggaluron Mu ilo intor ra makalalaa' no; mangintopot ilo Rirun am kalo pansagulian guang nilono.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 49:3

Ragu No raki', “Okou noyo ulipon Kuno; katulayon Aku sabap ra okou.”

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 12:18

“Gitio noyo ulipon Kutu ondo' pinili' Kutu, sangulun ondo' tagamin Kuno am mapakatasu' ra guang Kuno. Pataakin Ku Ambiluo Kuno Riso, am mampatanou Io ra ngaangai' bansa' ra Aku ti motopot.

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

MARKUS 9:12

Taam i Jisus, “Topot, i Ilia matong pagulu koson momongo ra ngaangai' no, kaa' ati kulaan ra Anak ru Ulun? Nogondo' ra tinulisan ralalom ru Buuk Kitab ra Io imboloon am anggalon ru ulun.

LUKAS 22:27

Osoi maatang kaga'? Ulun ondo' manturung pangakan ra mija' kia, kapoam ondo' mampasulung riso no? Ondo' manturung pangakan ra mija' tupo. Kaa' Aku soroi ra tatanga' min koson ra ulun ondo' mampasulung.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

ROMA 1:3

Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

ROMA 15:3

Sabap ra sala' ka nangkara' i Kristus ra kaatangan Nano galama', kaa' koson tinulisan ra Buuk Kitab, “Ngaangai' pagasaban ru ulun no Rirun, O Aki Kapuuno', nakatiu' niayuk raki'.”

ROMA 15:8

Ginio ra balain takamin, i Kristus siminauk ra mangingindangan ra ulun ru Jaudi koson manulu' risilo ra suguton ri Aki Kapuuno' atan ondo' binantu' Nali ra kinamatuaan nilai.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

2 KORINTUS 13:4

Kabalu' pana malawo Io paat ra Io sinalip, kaa' raino naayag Io po sabap ra kuasa' ri Aki Kapuuno'. Ralalom pasimpungan mai Riso pana makaliman akai ra malawo, kaa' paat ra akai makauma' ramuyun, akai pana maayag sabap ra kuasa' ri Aki Kapuuno', mogondo' ri Kristus.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

PILIPI 2:6

Intor noyo ra talimpuun Io ti nogondo' ri Aki Kapuuno', kaa' kalo niayuk nampaguang Io ra gondo' Nano ri Aki Kapuuno' ti gonggomon No.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.