PILIPI 2:5 - Tanou Moonsoi Timugon

⁵ Tilu kano ra guang am pangkaraan koson mogondo' ri Kristus:

PILIPI 2:5 Iomraidhean Croise

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

LUKAS 22:27

Osoi maatang kaga'? Ulun ondo' manturung pangakan ra mija' kia, kapoam ondo' mampasulung riso no? Ondo' manturung pangakan ra mija' tupo. Kaa' Aku soroi ra tatanga' min koson ra ulun ondo' mampasulung.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

ROMA 14:15

Ginio ra amon ru mampakasinduol kou ra pabukat Kristian muno sabap ra atan ondo' akanon muno, ginio kalo boo inimpuun ra togom. Pai' noyo pompoloso ra atan ondo' akanon muno mangkinibit ra sasangulun lumugut, sabap ri Kristus minatoi noyo koson mamayag riso.

ROMA 15:3

Sabap ra sala' ka nangkara' i Kristus ra kaatangan Nano galama', kaa' koson tinulisan ra Buuk Kitab, “Ngaangai' pagasaban ru ulun no Rirun, O Aki Kapuuno', nakatiu' niayuk raki'.”

ROMA 15:5

Gama' ru i Aki Kapuuno' ondo' mampaikang ra guang min am mangani' ramuyun ra guang mataan, mangindangan ramuyun maayag ra rondo' guang sumugut ra tiluan i Kristus Jisus.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.

1 PITRUS 2:21

Nampiau i Aki Kapuuno' ramuyun pantataan ra akau imboloon sabap ra mambaal ra moonsoi. I Kristus galama' inimbolo' ra bala min, am raginio nakapangani' Io ramuyun ra tiluan ondo' moonsoi suguton min.

1 PITRUS 4:1

Sabap ri Kristus naimbolo', akau pana musiti' mangikang noyo ra pamaguangan min am tumilu kau Riso. Sabap ra ulun ondo' naimbolo' noyo, mininggalur io boo ra tula.

1 JUANIS 2:6

Osoi ayuk mindagu ra maayag io sumimpung ri Aki Kapuuno', musiti' io maayag koson ra bayag ri Jisus Kristus.