PILIPI 2:2 - Tanou Moonsoi Timugon

² Ginio nai ra kinam kano papakaansuk toojo ra guang kuno koson ragitio: Korondoo' guang am pangkaraan min, togom am kasagaan min.

PILIPI 2:2 Iomraidhean Croise

MAZMUR 122:8

Koson kaansayan ru rangan am pabukat kuno, mindagu aku ra Jirusalim, “Gama' ru moonsoi kou!”

JUANIS 3:29

Koson niayuk ra paguguatan: Ungkuyon uatin mokoowot ra andu'; kaa' mamparangan ra ungkuyon uatin ti ondo' mangkirongog riso pana maansukan. Ginio nai ra raino ti maansukan aku toojo,

RINALATAN 1:14

Ngaangai' ilo ti rondo' guang am masalok ilo tumimung makiasi' mababaya' ra ruandu'-ruandu', i Maria ina' ri Jisus am pabukat-pabukat ri Jisus.

RINALATAN 2:1

Paat nasuku' orou Pentekosta, rondo' pangiantakan maayo ru ugama Jaudi, ngaangai' ulun ondo' mangintopot ri Kristus timinimung ra rondo' intok.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 5:12

Masuang kaimuagan am tatandu' sinauk ru rasul-rasul ra gino ngai' ru ulun masuang. Ngaangai' maamaya' ri Jisus masalok tumimung ra Langgar Salomo.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

2 KORINTUS 2:3

Ginio nai ra tinulisan ku ramuyun koson raginio, sabap ra marara' aku mongoi ramuyun am pangilukon guang kutu ru ulun ondo' sotopot no mapakaansuk raki'. Sabap ra mangintopot aku toojo ra ondo' kaansukan kuno am kaansukan min niayuk.

2 KORINTUS 7:7

Akai pinaansuk am sala' ka luur ayuk ru rinatangan nali, kaa' ondo' niayuk ra io nambala' ra nampaikang kau ra guang nali. Nambala' io poyo ra moogot kau tumuum raki' sabap ra pansagulian boo guang min am raino masaga' kau manungka' raki'. Ginio noyo ondo' nampakaansuk toojo raki'.

PILIPI 1:4

Am moonong aku makiasi' ri Aki Kapuuno' ramuyun, pakiasian kuno mabaya' ra guang makaansuk.

PILIPI 2:16

ra akau mampasaboi ra Tanou Moonsoi risilo. Amon ru koson raginio kaayagan min, tauli no, paat ra ratangan saguli' ri Jisus mokoondo' paringkuanangan kuno, sabap raginio mampakito ra kinandoi kuli kalo malubat am sala' ka kolondo' ampos.

PILIPI 2:20

Sabap ra rorondo' ayuk i Timotius pogondo' ru guang kutu am topot-topot mampaguang ra kasingkatan mino.

PILIPI 4:2

Gitio bilin ku ri Iuodia am Sintiki ra pogondoo' noyo guang mino maa' raginio mambukat kau ralalom pasimpungan min ra Tuhan.

KOLOSI 2:5

Sabap ra kabalu' pana maalur kau ra mato kuno, kaa' mamaar kau ayuk ra guang kuno, am maringkuanang aku toojo magilong ra akau toojo mogogondo' guang am maikang pangintapatan mino ri Kristus.

2 TISALONIKA 2:13

Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

2 TIMOTIUS 1:4

Makakara' aku ayuk ra kalumpusan ru guang muli am ginio boo ra aku masaga' toojo mongoi tuum rirun, maa' raginio maansukan aku toojo.

PILIMON 1:20

Pilimon, pabukat kuno ra Kristian, sabap ra Tuhan indangano' aku noyo. Katasuo' noyo guang kutu sabap ra pangintapatan tati ri Kristus.

2 JUANIS 1:4

Ina', naansukan aku kaga' naala' ra mokoondo' intor ra anak-anak muno ondo' kaayagan nilo maya' ra ralan motopot, koson ra nanusuban ri Aki Kapuuno' ritakau.

3 JUANIS 1:4

Kolondo' atan-atan mapabansuk ra guang kuno intor ra nangkirongog ra bayag ru pabukat-pabukat kuno maya' ra susuban ri Aki Kapuuno'.