PILIPI 1:8 - Tanou Moonsoi Timugon

⁸ I Aki Kapuuno' noyo sasi' ra totopot moondom aku toojo ramuyun mabaya' ra togom ru guang ri Jisus Kristus galama'.

PILIPI 1:8 Iomraidhean Croise

AYUP 16:19

Mokoondo' Manaung raki' giu' ra suruga' ondo' mangani' ra sasi' ra kolondo' tula kuno.

JISAYA 16:11

Mangiluk guang kuno magilong ra babaal ru Moab am Kir-Giris.

JISAYA 63:15

Iou Tuhan, indukui' akai no intor ra suruga', intok inayanan Muno ondo' mapasau am matulai. Ati boo togom am katulayan Muno? Ati boo togom am kaasian Muli? Pai' oroto' ginio ngaangai' ramon.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

LUKAS 1:78

Tuhan takano mataau am makaasi' kaga' am matong Io mamayag ritakau. Koson niayuk ra mato ru orou sumirang paat ra susuab,

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

2 KORINTUS 13:9

Maansayan akai amon ru malawo akai am akau maikang. Makiasi' akai ri Aki Kapuuno' koson tumanda' kau boo toojo.

2 KORINTUS 6:12

Kalo liminonggo' akai motogom ramuyun, kaa' liminonggo' kau motogom ramon.

2 KORINTUS 7:15

Am rumuang poyo kinotogom nano ramuyun, paat ra io nakakara' ra ati kulaan kau ngaangai' giminagaya' ra panusuban nali, am niayuk ati kulaan kau nangapu riso ra guang minggana' am urumat.

GALATIA 1:20

Atan ondo' tinulisan ku ragitio motopot. I Aki Kapuuno' nakapandai ra kalo magabau aku.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

GALATIA 4:19

Anak-anak ra tagamin ku! Mapara' boo imamang kuno ramuyun sabap ra paliso ri Kristus kalo poyo norondon toojo ra guang min. Gitio koson ra ruol ru sangulun ruandu' matipaganak.

PILIPI 2:1

Ralalom ru kaayagan min sumimpung ri Kristus mokoondo' kano ra kaikangan. Makaansuk guang mino sabap ra tinagaman kau ri Kristus. Indanganon kau ru Ambiluo ri Aki Kapuuno' am montotogom kau ra bokon am niayuk makaasi' kau ra rondo' am bokon.

PILIPI 2:26

Noondom io kaga' ramuyun am maimamang guang nano ramuyun sabap ra naala' kau ra narualan io.

PILIPI 4:1

Pabukat ondo' tagamin kuno, noondom aku ramuyun sabap ra akau no mampakaansuk ra guang kuno am maansayan aku magilong ra kinoonsoi ru bayag min. Ginio nai ra rayuso' noyo pasimpungan mino ra Tuhan.

KOLOSI 2:1

Masaga' aku mambala' ramuyun ra mapirot aku nangandoi koson mampaikang ra pangintapatan min am poyo ra ulun giu' ra Laodikia am niayuk ngaangai' ulun ra bokon ondo' kalo poyo igondo' pakatuum raki'.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

1 TISALONIKA 2:8

Sabap ra kinotogom mai ramuyun, nakatampos akai no sala' ka mampasaboi ra Tanou Moonsoi intor ri Aki Kapuuno' no ayuk, kaa' suku' mampataak ra painawo maiti pana ramuyun. Sabap ra maayo toojo togom maiti ramuyun!

2 TIMOTIUS 1:4

Makakara' aku ayuk ra kalumpusan ru guang muli am ginio boo ra aku masaga' toojo mongoi tuum rirun, maa' raginio maansukan aku toojo.

PILIMON 1:12

Kabalu' pana motogom aku toojo riso, kaa' raino pootoron ku io niayuk saguli' rirun.

PILIMON 1:20

Pilimon, pabukat kuno ra Kristian, sabap ra Tuhan indangano' aku noyo. Katasuo' noyo guang kutu sabap ra pangintapatan tati ri Kristus.

1 JUANIS 3:17

Amon ru sangulun langkaya' makakito ra pabukat musikin nano, kaa' maagat guang nano mangindangan, ati kulaan motogom io rokoon ri Aki Kapuuno'?