PILIPI 1:7 - Tanou Moonsoi Timugon

⁷ Moonsoi noyo ra aku maansukan ramuyun, sabap ra kabalu' pana maalur ayuk ra mato, mamaar kau ayuk ra guang kuno. Am itakau ngaangai' nakapagagapu poyo ra kataawan ri Aki Kapuuno', iou pana raino, ra aku inaput ra lamin pangaputan, kapoam paat ra aku nakapampainono' am nampapiot poyo ra Tanou Moonsoi no ra ulun masuang no.

PILIPI 1:7 Iomraidhean Croise

RINALATAN 20:23

Ondo' ayuk napandayan kuno ra Ambiluo ri Aki Kapuuno' nambala' raki' ra moonong bandar ondo' inapitan kuli, ra pasubolon aku ra pangaputan am niayuk maimbolo' poyo.

RINALATAN 21:33

Inggaari' ru tingganai maayo ru saujor no i Paulus am rokopo' no io. Pabangkili' no i Paulus ra ruo rantai. Pangkuot io boo, “Osoi kia ulun ragitio am atan guat binaal nano?”

1 KORINTUS 13:7

Mataan io ra ngaangai' am masalok maguyum ra kaansayan ra ulun ra bokon. Ralalom ngaangai' baal kalo matatakan io ra kalansanan am magail mataan guang.

1 KORINTUS 9:23

Ngaangai' ti baalon ku sabap ra kaatangan ru Tanou Moonsoi no, maa' raginio aku pana mabarakat.

2 KORINTUS 3:2

Sala', kaa' akau noyo galama' surat mai ti, ioginio surat ondo' nakatulis ralalom ru guang mai. Ginio maalap katutuni' am kabasa' ru moonong ulun.

2 KORINTUS 7:3

Mindagu aku raginio sala' ka koson mononsol ramuyun. Sabap ra nakaindagu aku no alia ra maayag kapoam matoi motogom akai ramuyun.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

IPISUS 6:20

Sabap ra kandoi mambala' ra Tanou Moonsoi ti pinakandayan raki' ri Jisus, kabalu' pana soroi aku ra pangaputan ti raino. Pakiasi' kano koson makakau' aku po mampabala' ra Tanou Moonsoi no maya' ra inaru' no.

PILIPI 1:12

Pabukat ra Kristian kau, masaga' aku mapaintutun ramuyun ra atan ondo' nasauk raki' ti, sotopot no nangindangan poyo raki' ra papasabayan ra Tanou Moonsoi no.

PILIPI 1:13

Intor ra baal raginii, ngaangai' saujor ru istana no am ulun-ulun ru bandar ti pana nakapandai ra inaput aku sabap ra kandoi kuno ri Kristus.

PILIPI 1:14

Am sabap ra kinibit ra aku inaput ti, masuang boo ulun Kristian intor ra bandar ragitio mangintopot poyo toojo ra Tuhan, saboi mulu' ilo poyo makakau' mampasaboi ra bala' Nano ra kolondo' kalaanan nilo.

PILIPI 1:5

Paringkuanangan kuno ri Aki Kapuuno' sabap ra intor ra talimpuun ra aku nangandoi suku' raino minaya' kau pangindangan nampasaboi ra Tanou Moonsoi ri Aki Kapuuno'.

PILIPI 2:22

Akau galama' nakapandai noyo ra kinoonsoi ru paliso ri Timotius ti, koson ra sangulun anak mabaya' ra ama', nangindangan io raki' mampasaboi ra Tanou Moonsoi ri Aki Kapuuno'.

PILIPI 4:14

Kaa' moonsoi niayuk binaal minti ra nangindangan kau raki' paat ra aku makakapaganan.

PILIPI 4:15

Pabukat kau ra Kristian ra Pilipi, akau galama' noyo makapandai ra paat aku timinalimpuun nampasaboi ra Tanou Moonsoi, ioginio ra aku nanatang ra Makidonia ragili, akau no rorondo' ayuk pasimpungan ra Kristian ondo' nangani' raki' ra ruit pangindangan.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

KOLOSI 4:18

Aku no galama' manulis ragitio: Bilin kaansayan intor raki', i Paulus. Pai' liliani' ra kapaganan kutu ra lakat aku ayuk poyo aputon! Gama' ru i Aki Kapuuno' mambarakat ramuyun.

KOLOSI 4:3

Karaa' min niayuk akai ralalom ru pakiasian min, maa' raginio i Aki Kapuuno' mangani' ramon ra kaluagan mampasaboi ra tanou ri Kristus ondo' kalo igondo' pinabala'. Sabap ra kinibit ru kandoi ragitio noyo ra aku pinasubol ra pangaputan ti.

1 TISALONIKA 5:5

Akau no ulun ondo' maayag ralalom ru sinda, ioginio maayag ra matawang. Itakau ti sala' ka maayag ra kalandaman.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.

PILIMON 1:13

Sotopot no, moogot aku riso mamparangan poyo raki' koson malit rirun mangindangan raki' buoi ra aku giti ra pangaputan ti, sabap ra pampatanawan kuno ra Tanou Moonsoi ti.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

1 PITRUS 4:13

Kaa' sotopot no, pakaansuk kano sabap ra makaaya' kau kaimbolo' mogondo' ri Kristus. Koson raginio mulu' poyo kinaansuk min paat ra kuasa' ri Kristus paintalangon.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

2 PITRUS 1:13

Buoi ra aku maayag, moonsoi niayuk ru mampakara' aku ramuyun intor ra baal raginii.

1 JUANIS 3:14

Nakapandai takau no ra iniruanan takau noyo kapatayan am minanding takau no ra kaayagan mantilayun. Napandayan takau gitio sabap ra motogom takau ra rondo' am bokon. Osoi ayuk kalo motogom, io no lakat ayuk poyo inonggom ru kapatayan.