PILIPI 1:21 - Tanou Moonsoi Timugon

²¹ Sabap ra koson raki', pangkaraan kuno am mintutun toojo ri Kristus ayuk! Am matoi aku pana, mulu' poyo kinoonsoi ru ampos no.

PILIPI 1:21 Iomraidhean Croise

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

1 KORINTUS 3:22

Aku, i Apolos, am i Pitrus pana pinataak noyo ramuyun. Am niayuk tana' ti, kaayagan kapoam kapatayan, am poyo paat ra raino ti am paat ra orou matong pana. Ngaangai' no akau noyo tatangan.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

2 KORINTUS 5:6

Ginio ra masalok akai kalo malaa'. Nakapandai akai ra buoi mai mayan ra inan ti, maalur akai intor ra ayanan ru Tuhan.

2 KORINTUS 5:8

Ginio nai ra kalo malaa' akai am masaga' akai niayuk manatang ra inan ti, maa' raginio makapasimpung akai ra Tuhan.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

GALATIA 6:14

Kaa' aku kalo noyo lumimbau. Ondo' ayuk omporon ku am namatayan ru Tuhan takau i Jisus Kristus ra salip. Sabap ra namatayan ri Kristus ra salip, kaayagan ku ra tana' ti kolondo' boo arati' no raki'. Kalo boo mangkara' aku ra baal ondo' makito ru ulun.

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

PILIPI 1:22

Kaa' amon ru posoroyon aku poyo ra tana' ti koson mokoowot poyo ra ampos ru kandoi kuno, kalo noyo makapampili' aku ra ati kia rondo' bayaan kuno.

PILIPI 1:23

Karuo-ruo ti mampakabunduk ra guang kutu. Masaga' aku niayuk mangiruan ra painawo kutu am makasimpung ri Kristus, sabap ra ginio noyo moonsoi no.

PILIPI 2:21

Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.

KOLOSI 3:4

Ginio nai ra i Kristus noyo puun ru kaayagan bagu mino. Am paat ra Io paintalangon saguli', makapasimpung kau Riso ra katulayan Nano.

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”