NAGUM 3:4 - Tanou Moonsoi Timugon

⁴ Niniwi mantalan ra inan no aniin ra ukuman. Kinantalur nano mamunduk kaga' ra guang. Masuang bansa' nasinggayawan riso, am nampasauk risilo ra ulipon nano.

NAGUM 3:4 Iomraidhean Croise

JISAYA 47:8

Rongogo' Aku no, okou ondo' masaga' mangilou ra katasuan! Indoson mu kaayagan muno moonsoi, am kolondo' koson rirun. Indoson mu kalo masauk kou ra mapuor, kapoam mailusan ra anak-anak muno.

JISAYA 47:9

Kaa' sangkuliop ayuk, ralalom songorou, karuruo baal raginio masauk. Inda' pana mamakai kou ra guguno am kuasa' ru sihir muno, mailusan kou ra ralaki am anak-anak muno.

YEHEZKIEL 16:35

Okou Jirusalim, mantalan kou ra inan! Rongogo' noyo ragu ru Tuhan.

PINAINTALANG 18:23

Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.