NAGUM 3:3 - Tanou Moonsoi Timugon

³ Pulalai mangkuda mamulunsar ra guang maantak, ilang manguliat am tutura' makapiniat. Ulun ondo' matoi kalo mauntob, baangkai nilo satuntur-tuntur, mangkinibit ra ulun makasaru.

NAGUM 3:3 Iomraidhean Croise

KASAUKAN 3:24

Giu' boo ra tampilon sirangon ru Taman no, Tuhan i Aki Kapuuno' napaayan ra kirub am rondo' ilang makaapui ondo' lumibut ra ngaangai' intok koson mantamung ra puun ondo' mangani' ra bayag. Ginio ra kolondo' sangulun pana makasubol am makainggaar ra puun raginio.

2 RAJA'-RAJA' 19:35

Paat rondom raginio rondo' malaikat ru Tuhan minongoi ra pangkiman ru ulun ru Asyur am namatoi ra 185,000 ngaulun saujor. Katawang ra iosusuab, ngaangai' ilo minatoi noyo!

JISAYA 34:3

Baangkai nilono kalo lobongon, kaa' polosoon mootong. Ngaangai' gunung masauk malia' sabap ra maliuran ru raraa'.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

YEHEZKIEL 39:4

I Gog am saujor nano, am niayuk saujor paguum nano matoi giu' ra kagunungan ru Israil. Polosoon Ku baangkai nilo akanon ru susuit am bibiag masigo.

IMAMAT 26:37

Makapansaru kau ra rondo' am bokon kabalu' pana kolondo' osoi pana mangilou ramuyun. Kalo makaanggal kau ra pantula'.

NAGUM 2:4

Giu' ra ralan-ralan, kurita' kuda magisimbul ra kalo maaruan angayan, mugar giu' am giti giu' ra padang ru bandar. Kurita' kuda mapaang koson ra pilasut, mugar maribok koson ra ganit.

ABAKUK 3:11

Paat ra panah Muno ondo' maribok manguliat, am tanggulan ondo' suminda ra manguliat, mato ru orou am sila' lumonggo' minsir.