NAGUM 2:3 - Tanou Moonsoi Timugon

³ Saujor ru pantula' nagibit ra perisai malia', am nambayang ra bayang sarampun makabatik malia'. Pantula' nakatampos noyo mamulunsar! Koson ra apui, kurita' kuda nilo manguliat! Kuda nilo tumindak-tindak!

NAGUM 2:3 Iomraidhean Croise

AYUP 39:23

Kinandoi ondo' inibit ru ulun nangura' nano mangurinsil am manguliat natiu' ru sinda.

MAZMUR 80:13

Kua lunsayo' Mu insor? Ragino ulun mansail no makapantakou ra kawa' ru anggur nano.

JISAYA 14:8

Puun ru sipris am puun ru sidar giu' ra Libanon pana maansukan ra naratuan ru raja' no, am kolondo' osoi-osoi pana boo mantagar ra puun-puun no bulintok ru raja' no nakaugar noyo.

YEHEZKIEL 23:24

Bulunsaron nilo okou intor ra ralayo ra saujor ondo' maayo, am ra kurita' kuda am tarila magibit ra lutu'. Mampaguut ra perisai am mantupi' basi', magawang ilo rirun. Pataakon Tokou risilo am mangakim ilo rirun sumugut ra ukum nilo galama'.

YEHEZKIEL 26:7

Indagu Tuhan Raja', “Mangkinibit Aku ra Raja' Nibukadnijar intor ra Babilonia mamulunsar ra Tirus. Raja' ra maikang kaga' no matong intor ra ralayo mabaya' ra pulalai saujor ondo' maayo kaga', am masuang kuda, kurita' kuda am pulalai mangkuda.

NAGUM 3:2

Rongog kano ra libos ru pitol lalapos am kuritot ru luda' mugar, kurutuk ru kuda masimbul am kuriku' ru kurita' kuda mauyog.

JAKARIA 1:8

nakito ku malaikat ru Tuhan nangura' ra sanginan kuda malia'. Minuog io giu' ra rondo' limayak ru puun-puun kemunting. Giu' ra talikuron nano mokoondo' poyo kukula' ngainan kuda – mokoondo' ondo' malia', mokoondo' ondo' tangkakalut, am mokoondo' ondo' mapulak.

JAKARIA 11:2

Okou puun ru sipris, pantangi' no am panulaboi no, sabap ra puun ru sidar naratu' noyo; puun-puun tataun ondo' maayo napuso noyo. Akau puun-puun ru oak giu' ra Basan, pantangi' no am panulaboi no, sabap ra kataunan makapal tinagar noyo.

JAKARIA 6:2

Kurita' kuda ondo' kasaa' binunduk ru kuda malia', ondo' karuo bininduk ru kuda maitom,

PINAINTALANG 12:3

Giu' boo ra limbowon no makito rondo' poyo tatandu' makaimuag. Mokoondo' sanginan tambuakal malia' ondo' maayo kaga', makaulu tulu' am makasangau mopor. Rorondo' ra ulu nano makakaraun.

PINAINTALANG 6:4

Ingkual boo sanginan kuda malia' poyo am ondo' siminakoi no inanian ra kuasa' mambaal ra pangayawan ra tana' ti. Inanian io ra ilang maayo am baalon no ulun ru tana' ti mampapatoi ra rondo' am bokon.